________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीमहा०
चरित्रे २ प्रस्ताव
मरीचिजन्म
दीक्षा विजया
ECORNस्क
॥११॥
काएण कीरमाणिं दट्टण तीयाणागयपडप्पण्णवत्थुसत्थवित्थरगयसंदेहसदोहदहणपसमणकपीऊसधाराणुगारिणि धम्मदेसणं निसामिऊण य करिकलहकन्नतालतरलमवलोइऊण जीवियं उब्वेलिरमहलविसवेलरीसरित्थं निच्छिऊण कुवलयच्छिसंजोगसमुन्भवमुहं अयंडतडिदंडभंगुरं जाणिऊण पणइजणपेम्मप्पबंधं परूढगाढसद्धम्मपरिणामो महाविभूईए पियामहस्स पासे पव्वइओत्ति । । तओ सम्ममहिगयसमणधम्मो पंचप्पयारायारसमायरणपरायणो पंचसमिइसमिओ तिगुत्तिगुत्तो पंचमहव्वयरक्खणबद्धलक्खो ससरीरेऽवि निरवेक्खो रयणवणिओ इव परिचत्तलोहायरो सायरो इव मयरहिओ दिणयरो इव दोसुम्मूलणकरो नागराओव्व दूरुबूढखमावलओ मंदरो इव निम्महियजलही सुहडो इव निहयविसमकरणो गामागरनगरेसु अप्पडिबद्धो थेराण पासे सामाइयाई एकारसंगाई ससुत्ताई सअस्थाई चिरपरिचियाई करेमाणो सामिणा सद्धिं विहरइत्ति। | इओ य-भरहराया समुप्पन्नचक्करयणो चाउरंगबलकलिओ पुन्वदिसाए मागहतित्थं दाहिणेण वरदाम पच्छि
मेण पहासं उत्तरेण य चुलहिमवंतपरिसरं जाव साहिऊण छक्खंडभरहं सट्ठीए वाससहस्सेहिं बत्तीसनरवइसहस्सपरिकायरिओ अइगओ विणीयरायहाणिं, कओ से बारस वासाई महारायाहिसेओ, विसजिया य रण्णा नियनियट्ठाणेसु
दूरदेसागया नरवइणो।
॥११॥
ल
For Private and Personal Use Only
