________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अण्णं च-हे विजासिद्ध! पओसमुहंतो कहं न लजिहिसि । इत्थीसु तिहुयणमिवि अवज्झसम्भावसिद्धासु ॥११ इतिहासपुराणपमोक्खसत्थविक्खायमवि इमं तुज्झ । पम्हुटुं कीस ? महाणुभाव ! कुसलावि मुझंति ? ॥ १२ ॥ आयन्निऊण एवं विजासिद्धेण जायलज्जेण । भणियं आएसं में देहि लहुं जमिह कायवं ॥ १३ ॥
उप्पहपवनमारिसजणबोहणकारणेण निम्मविया । वेयत्थमहानिहिणो तुन्भे नूणं पयावइणा ॥ १४ ॥ ___ एवं सोऊण गोभद्देण भणियं-साहु साहु विजासिद्ध ! को अन्नो एवं वियाणेइ वोत्तुं १, अहवा-को सिसिरइ निसिनाहमंडलं?, को वा चित्तेइ सिहिसिहंडाई ? । देहसहसमुग्गओ चेव विणओ तुम्हारिसजणाणं ॥ १॥ उडेसु संपयं कुणसु चंदलेहाए पणाम, चंदलेहे ! तुमंपि विमुक्कमच्छरं परिचत्तपुवाणुसयं नियसु इमं सयणनिविसेंस, विहेसु इमेण समं पणयभावं, इय भणियावसाणे निवडिओ चंदलेहाए चलणेसु विजासिद्धो, भणिउमारद्धो य-सुयणु! तारुन्नमएण वा विजाबलावलेवेण वा अविवेयसुलभदुधिणएण वा मए जमवरद्धं तं तुमए मरिसियचंति, चंदलेहाए भणियं-विजासिद्ध ! अलं खामणेणं, सबहा मंदभागिणी अहं जा थेवमेत्तावराहेवि एवंविहमणत्थं काउं ववसिया।
एत्थंतरंमि कइवयचेडीचक्केण परिखुडा झत्ति । विम्हयनिम्भरहियया समागया चंदकंतावि ॥१॥ ताहे गोभदेणं विजासिद्धो पयंपिओ एवं । जीऍ कए वइरमिमं तहि(तुह)द्विया सा इमा सुयणु ॥२॥
For Private and Personal Use Only
