________________
Shri Mahavir Jain Aradhana Kendra
www.kobatrth.org
Acharya Shri Kailassagarsuri Gyanmandir
नियबुद्धिविणयविविहोवयारओ जेण सबलगामजणो । विहिओ पहिहियओ एगं लच्छि विमोत्तूणं ॥१॥ अहवा न सो कोऽवि गुणो जो तस्स न विजए दियवरस्स । तं नत्थि किंतु जं अँजिएहि दिवसं स बोलेइ ॥२॥ एवं च धणविरहेवि सो अविचलचित्तत्तणेण मणागंपि दीणत्तमदंसिंतो नियनियपरिग्गहत्तणेण चेव संतोसमुन्वतो चिंतेइ-अहो महाणुभावा! इमे धणिणो जे इमीए सिरीए परिग्गहिया पीडिजंति दाइएहिं विलुप्पिजंति नराहियहि अभिभविजंति तक्करनियरेहिं मग्गिजंति मग्गणगणेहिं अणुहवंति विविहावयाओ, पयमेत्तंपि न परिभमंति सच्छंदयाए, तुच्छऽपत्थभोइणोवि अभिलसिज्जंति वाहीए, अहं पुण एत्तो एगस्सवि अणत्थस्स न गोयरमुवगओत्ति, एवं तस्स परिभावितस्स वचंति वासरा । अन्नया य सो सिवभद्दाभिहाणाए निययपणइणीए भणिओ, जहा-अजउत्त! आवनसत्ता वहामि अहमियाणिं, पसबसमए विससेण मह ओसहाइणा कजं भविस्सइ, तो कीस तुमं न किंपि पुरिसयारमवलंबेसि ? न वा दबावजणोवायं विगप्पेसि?, न हि अणागयत्थचिंतापरंमुहा सलहिजंति पुरिसत्ति, सो एवमायन्निऊण तक्खणविसुमरियपुत्वविवेओ जलहिव मेहोदएणं कुवियप्पकल्लोलमालाउलो परिभाविउमारद्धो-किं एत्तो ववसायं करेमि? कं वा जणं अणुसरामि ? को वा इमस्स कजस्स होज साहेजदायगो ? कत्थ व गयस्स एवं सिज्झेज ? को इमस्स हेउत्ति, इय किंकायवयवाउलत्तजलहिमि सो बुडो, ताहे सिवभदाए मणिओ सो-कीस वाउलो होसि ?, केत्तियमेत्तं एयं तुह विमलकलाकलावस्स ?, जइ कमविहु धणवंतं गंतुं मग्गेसि
For Private and Personal Use Only
