________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीगुणचंद महावीरच० ५ प्रस्तावः
सोमविप्रस्य प्रवासावस्था.
परिमुक्कगजिघोरट्टहासहयविरहियहिययवावारो। वरिसायालो वेयालदारुणो झत्ति संपत्तो॥२॥ तंच दहण सो सुमरियनियकलत्तो तत्कालवियंभमाणनीलकंठरवसवणचउग्गुणीकयउकंठो दीहं नीससिऊण चलिओ अविलंबियपयाणगेहिं सनयराभिमुहं, अइदूरत्तणेणं मग्गस्स दुबलत्तणओ सरीरस्स असमत्थत्तणेणं सिग्घगमणस्स |मासपंचमपजंते संपत्तो कुंडग्गामे नगरे, पविट्ठो नियगिहे, संभावियविढत्तदवाए अब्भुट्टिओ पणइणीए, दिण्णं
आसणं, पक्खालिया चरणा, पुच्छिओ सरीरकोसलं, वाहियं सरीरं, दंसिओ पणयभावो, भोयणकाले य उवट्ठाविया य कंठिगाइ हट्टे विणिवट्टिऊण विचित्ता रसवई, काराविओ भोयणं, तदुत्तरकालं ठिओ सयणिजे, बंभणीवि पहिहियया समीवमागया तस्स, आरद्धा य पुच्छिउं, जहा-अजपुत्त! केसु केसु देसंतरेसु परिभमिओ एत्तियं कालं? केत्तियं वा दविणजायमजियंति , तेण भणियं-पिए! केत्तिए साहेमि देसे?, किंवा कहेमि दविणजणं ? तहाहिसिरिपचयवइरागरसमुद्दपरतीररोहणगिरीसु । रसकूविगासु विवरेसु भुयंगभीमेसु विविहेसु ॥१॥ भमिओ एत्तियकालं दद्यपिवासाए णेगठाणेसुं । विहिओ य खन्नवाओ धमिया य सुवण्णपाहाणा ॥२॥ अंजणसिद्धिनिमित्तं दिवोसहिणो निरूविया बहुसो । विहिया नरिंदसेवा वियाणिया मंततंताई ॥३॥ असिचावकुंतचक्काइएसु सत्थेसु जणपसिद्धेसु । पकओ परिस्समोबिहु किं किं अहया मए न कयं ॥४॥
॥१४२॥
For Private and Personal Use Only
