________________
Shri Mahavir Jain Aradhana Kendra
www.kcbatrth.org
Acharya Shri Kailassagersuri Gyanmandir
NGH
A
REC
LASSO9-08**
अइवेगुचालियकन्नतालविद्दवियभसलउलो अइरभसभरपहावणसपक्खकुलसेलचल्लिकयसको दढदंतदंडताडणढलढलियद्यालयसमूहो करघायदंतवेहणचरणुप्पीडणनिवाडियजणोहो सव्वत्थ भमइ भीमो जमोव्य जुगविगमसमयंमि, अह | मंदरमहिज्जमाणमहोयहिघोसघोरे समुच्छलिए तियचउक्कचचरेसु जणाणं अकंदियरवे पुच्छियं नरवइणा-भो भो किमेवं नयरे कोलाहलो सुम्मइत्ति ?, जणेण भणियं-देव! एस तुम्ह जयकुंजरो भग्गालाणखंभो नयरं विद्दयेइ, एवं सोचा विसजिया कुमारपमुहा पहाणलोया जयकुंजरगहणनिमित्तं, भणिया य-अरे ! सव्वहा सत्थघायं परिहरंतेहिं एयस्स पट्टियव्यं, एवं च पडिवजिय गया ते तदभिमुहं, न य पेच्छंति कमवि उवायं जेण हत्थी वसमुवगच्छइत्ति, एत्थंतरे वेलामासवत्तिणी गुरुगन्भभारवसविसंतुलनिवडंतचरणा गाढपाणभयकंपंतसरीरजट्ठी इओ तओ य धावंती एगा कुलंगणा दिट्ठा जयकुंजरेण, तओ उलालियकरग्गो पवणवेगेण धाविओ तीसे अभिमुहो, सावि कुंजरं तहा सिग्घमागच्छंतं पेच्छिऊण सज्झसभरनिरुद्धपयप्पयारा कलुणाई दीणाई विलविउं पयत्ता, कह चिय?___ हे माइ भाय ताया तायह मं मा उवेक्खह इयाणि । एसो मम वहणट्ठा दुट्टकरी पासमल्लियइ ॥१॥ हं हो पेच्छगलोया ! निक्करुणा करिवरं पडिक्खलह । गुरुगन्भभरकंता एसा संपइ विवजामि ॥२॥ अहह कहं पावकरी एसो सो आगओ मम समीवे । निस्सरणा नित्ताणा कमुवायं संपइ सरामि ? ॥३॥ किं कोऽपि महापुरिसो परोवयारत्थधरियनियपाणो। एत्थ न पेच्छइ सहसा मं दुक्खत्तं विणसंतिं ॥४॥
ACAESARICA
For Private and Personal Use Only
