________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
noturno
पुत्ति! पवित्तं सीलं पालेज्जसु मा करेजसु कुसंगं । अणुवत्तिजसु गुरुजणमवणिजसु दुधिणयभावं ॥२॥ सेविजसु नयमगं मियमहुरक्खरगिरं वएज्जासि । आराहेजसु सपियं देवो भत्ता कुलवहूणं ॥३॥ कुमरोऽवि इमं बुत्तो एसा एका सुया ममं इट्ठा । छायव सहयरी जह हवइ सया तह तए किचं ॥४॥ इय सिक्खविउं राया धूयं विरहग्गिदूमियसरीरो। अणुगमिऊण कुमार नियनयराभिमुहमह चलिओ ॥५॥
कुमारोवि पेच्छंतो नगनगरागरगामकाणणरमणिजं मेइणि साहितो विसमपल्लीनिलीणे भिल्लाहिवइणो |पयर्टीतो पुबनीईओ अवलोयंतो तावसजणनिसेविए अणवरयडझंतघयमहुसमिहमहोसहिसमुच्छलंतबहलधूमपडलकयमेहसंकसिहंडितंडवाडंबररमणिजे आसमपए, पइदिणपयाणएहिं संपत्तो जयंतीए नयरीए वाहिरुज्जाणे, बद्धाविओ नरसिंघनरवई, काराविया नयरसोहा, जाया समुद्धयविचित्तचीणंसुयचिंधबंधुरा रायमग्गा, अह पसत्थंमि मुहुत्ते अंतेउरपुरप्पहाणजणपरियरिएण नरिंदेण अणुगम्ममाणो नरविक्कमो नयरिं पविसिउमारद्धो, ठिया य रायमग्गोभयपासपासायमालासु तदवलोयणकोऊहलाउला कुसुमुम्मिस्सक्खयहत्था लोयसत्था, जाया य कुमाररूवपलोयणपाउन्मवंतषिविहवियाराण जुवईजणाण विम्भमा । कहं चिय?
(ण कावि पडिजुवइकंतगंडत्वलंतसंकेतं । कुसुमक्खएहिं ताडइ ईसाइतिव्य रायसुयं ॥१॥ पवियंभियकुसुमाउहवसवियसियलोयणा पलोयंती। न मुणइ सकडिल्लंपिहु पवणेणायट्टियं अपरा ॥२॥
For Private and Personal Use Only
