________________
Acharya Shri Kailassagarsuri Gyanmandir
Shri Mahavir Jain Aradhana Kendra
www.kcbatirth.org
CC
CAMERARMSASAR
मंसस्स विरुद्धं किर लोहं एयंपि तत्थ विवरीयं । जं नाराया खित्तावि तस्स वाहिपि न छिवंति ॥४॥ इय सो नियगाढवलावलेवओ तिहुयणं जरतणं व । मन्नंतो भमइ पुरे निरंकुसो मत्तहत्थिव्व ॥ ५॥
अन्नया य तस्स पसिद्धिमसहमाणा समागया देसंतराओ मल्ला, दिट्ठो तेहिं राया, साहियं आगमणपओयणं, समाहूओ य रण्णा कालमेहमलो, निवेइओ से तब्वइयरो, अन्भुवगयं तेण तेहिं समं जुज्झं, सजीहूया दोवि पक्खा, कओ अक्खाडओ, विरइया उभयपासेसु मंचा, निविट्ठो अवलोयणकोऊहलेण नीसेसअंतेउरसमेओ नरवई पुरपहाणपुरिसवग्गो य, समाढत्तं च भुयाहि य अडपायइयाहिं च बंधेहि य विसमकरणपओगेहिं मलेहिं सह तेण जुज्झिउं, खणंतरेण य दढमुढिप्पहारेहिं निहया कालमेहेण देसंतरागया मला, कओ लोगेण जयजयसहो, दिन्नं से नरिंदेण विजयपत्तं, सम्माणिओ विचित्तवत्थाभरणेहि, गओ नियनियट्ठाणेसु नयरजणो, रायावि अंतेउरपरियरिओ संपत्तो नियमंदिरं, बीयदिवसे य सव्वालंकारविभूसिया काऊण देवीए पउमावईए पेसिया सीलवई कण्णगा पिउणो पायवडणत्थं, चेडीचकवालपरिवुडा य सा पत्ता नरिंदसगासे, निवडिया चरणेसु, निवेसिया रणा उच्छंगे, पुच्छिया य-पुत्ति ! केण कारणेण आगयाऽसि ?, तीए भणियं-ताय! तुम्ह पायपडणनिमित्तं अम्मगाय पेसियम्हि, राइणा चिंतियं-अहो वरजोगत्ति कलिऊणं नूणं देवीए पेसिया, ता किमियाणि कायन्न ?
एक चिय मह तणया परूढपणयाएँ अग्गमहिसीए । एसा वरस्स जोग्गा को पुण एयाएँ होज वरो? ॥१॥
CICICROACCESCOCCARE
For Private and Personal Use Only
