________________
Shri Mahavir Jain Aradhana Kendra
www.kobatirth.org
विपक्खदप्पखंडणो नरिंदवंस मंडणो, अजायभंगसासणो कुनीइलोयनासणो ।
असेससोक्खकारणं करेइ लोयपालणं, नरिंदसत्तुमद्दणो म (ज) मि चित्तनंदणो ॥ ३४ ॥
Acharya Shri Kailassagarsuri Gyanmandir
जंमि य नराहिवे पवलवलसालिभुयपरिहारोविय धरणिभारे रायनीइमेत्तं मंतिणो सोहा हरिकरिरहजोह सामग्गी आडंबरं असिचक्कचाव सरकुंतप्पमुहपहरणपरिग्गहो सेवगा पणयावेक्खा सजीयनिरवेक्खंगर क्खपरिक्खेवपरिकपणा । तस्स य रण्णो विसिट्ठायारपरिपालणपरायणो धम्मसत्य सवणवियाणियहेज्जोवादेयवत्थुसरूवो गंभीरिमाइगुणगणावासो पयइसरलो पयइविणीओ पयइपियंवओ पयइपरोवयारपरो पुहइप्परट्ठाणनामंमि गामे नयसारो नाम गामचिंतगो अहेसि । जो य तहाविहसाहुसेवाविरहेऽवि अलसो अकज्जपवित्तीय परम्मुही परपीडाए सयण्हो गुणगणोवज्रणाए अचक्खू परछिद्दपलोयणाए । एवंविहगुणो य सो सविसेसगुणुक रिससाहणनिमित्तं भणिओ गुरुअणेण, जहा - धणरिद्धी दूरं वड्डियावि दुचिणयपवणपरिहणिया । एकपएचिय पुत्तय ! पणस्सए दीत्रयसिह ॥ ३५ ॥
णीहारहारधवलोव वच्छ ! सेसो गुणाण संघाओ । विणएण विणा वयणं व नयणरहियं न सोहेइ ॥ ३६ ॥ अतपिओवि परोवयारकारीवि भुयणपयडोऽवि । वज्जिज्जइ पुरिसो विणयवज्जिओ गुरुमुयंगोव ॥ ३७ ॥ इय दुधिणयत्तणदोसनिवहमवलोऊण बुद्धीए । पुत्त ! रमेज्जसु विणए समत्यकलाणकुलभवणे ॥ ३८ ॥ तहाहि - विणणं हुंति गुणा गुणेहिं लोगोऽणुरागमुच्वहइ । अणुरत्तसयललोयस्स हुंति सङ्घाओं रिद्धीओ ॥
३९ ॥
For Private and Personal Use Only
