________________
Shri Mahavir Jain Aradhana Kendra
www.kcbatrth.org
Acharya Shri Kailassagersuri Gyanmandir
AMERACKASSACREAS
'दारइ गइंदकुंभत्थलाई अइतिक्खनक्सनिवहेण । सारंगकुलं अचलं तासइ गलगजिमेत्तेण ॥२॥ हिंसइ विविहजीवे इय एवं जीविऊण चिरकालं । मरिऊण पुणो जाओ नेरइओ नरयपुढवीए ॥३॥ छिंदणभिंदणसामलिसूलारोवणपराई दुक्खाई। रोमुद्धोसकराई सुमरणमेत्तेणवि जणाणं ॥ ४ ॥ आमरणतं सोढुं भमिओ विविहासु तिरियजोणीसु । अह एगत्थ भवंमी कम्मखओवसमभावेणं ॥५॥ लभ्रूण माणुस्सत्तं काउं छमाइ तवचरणं । भोगफलमजिऊणं उववन्नो देवलोगंमि ॥६॥ तओ आउक्खएणं चुओ समाणो रिद्धिस्थिमियसमिद्धे निरंतरमुप्पजमाणजिणचक्कट्टिबलदेववासुदेवपहाणपुरिससरिए हिए एगवीस(परियरिए एगस)रूवकालपरिकलिए अवरविदेहे खेत्ते मूयाए रायहाणीए धणंजयस्स राइणो सयलंतेउरपहाणाए धारिणीए देवीए चउद्दसमहासुमिणसूइओ सो तिविहुजीवो कुच्छिसि पुत्तत्तणेण उववनोति । समुचियसमए य कयं से पियमित्तोत्ति नामं । वढिओ य देहोवचएणं विण्णाणपगरिसेण य, अण्णया य
सो धणंजयराया सरयनिसायरसरिसवयणं तरुणतरणिपडिबुद्धपुंडरियलोयणं मणिखंडमंडियकुंडलुल्लिहियपीणगंडहै मंडलं अकुडिलुत्तुंगनासावंसं बालप्पवालपाडलोट्ठसंपुडं कुंदमउलमालासिणिद्धसुसिलिट्ठदंतपंतिं पसत्थरेहावलयरेहं
तकंठकंदलं मंसलसुविसालवच्छत्थलं महानयरगोपुरपयंडवाहुदंडं संगयपासोवसोहियसुप्पमाणमझभागं वियसियसयवत्तसरिच्छातुच्छनाभिं जचतुरयवट्टियकडिभागं सुरिंदवारणकरकरणिजंघाजुयलं सुपइट्ठियलठ्ठसुकुमालरत्ततलं
AAAAAAAACAROLAGA
For Private and Personal Use Only
