________________
Shri Mahavir Jain Aradhana Kendra
www.kobatirth.org
जाणियचो, सवप्पयारेहिं रक्खणिजो य, एयमायन्निऊण रत्ना विसज्जिओ नेमित्तिओ, सपि उबविट्ठो अस्थाणमंडवे, पुच्छिया य अमचाइणो- अहो को संपयं नरवई दंडाहिवो कुमरो वा अतुलवलपरकमो सुणिजइत्ति, तेहिं भणियं देव! तुम्हाणंपि सयासाओ कोऽवि अतुलवलो ? जेण साहिज्जइ, महीए सूरमंडले पहवंतंमि विष्फुरइ ता रगगरुई ?, राइणा भणियं - बहुरयणा वसुंधरा, किमिह न संभवइ ?, मंतीहिं भणियं देव ! निच्छियं न मुणिमो, सवणपरंपराए पुण सुणिजंति - पयावइनरिंदस्स कुमारा अनन्नसरिसपरक्कमा लीलादलिय सेस सोंडीरबलावलेवत्ति, एवमायन्निऊण राइणा भणिओ चंडवेगो-जहा भद्द ! गच्छसु एयस्स राइणों सगासे साहेसु य तस्स अमुगं मम पओयणं, जं देवो भणइत्ति पडिच्छिऊण सासणं निग्गओ, गओ महया पुरिसपरियारेणं परिक्खित्तो पोयणपुराभिमुहं चंडवेगो । इओ य पयावइराया कयपवरसिंगारो परिहरियमहा मुलद्गुलो कुमारपमुहपरियणाणुगओ अंतेउरमज्झे ठिओ चिट्ठइ, वह य तत्थ पेच्छणयं, केरिसं ? -
विविहंगहार विष्भमविचित्तकरणप्पओगरमणिज्जं । रणझणिरमंजुमंजीरमणहराराव संवलियं ॥ १ ॥ दढदेहायासवसुच्छलंततुट्टंतहारसरिविसरं । भूभंगविभमुब्भडपसरिय बहुहावभाव भरं ॥ २ ॥ कलयंठकंठगायणपारद्धविसुद्धतारगेयसरं । ताडियपडुपडडुम्मिस्समंजु गुंजंतबरमुरवं ॥ ३ ॥ इय एरिसंमि तरुणीजणस्स नहंमि संपयर्द्धमि । अहिहरूवपुधे संपन्ने परमरंगे य ॥ ४ ॥
Acharya Shri Kailassagarsuri Gyanmandir
For Private and Personal Use Only
