________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
... २१ ...
ताहि भण्णइ 'जे उडयत्थी इहमागच्छंति तोर्स एरिसो उवयारो कीरइ' । तओ य गणियाओ उवगायमाणीओ वहूवरं चिट्ठति ।
जो य कुमारोवलोभणनिमित्तं रिसिवेसेण जणो पेसिओ सो आगओ कहेइ 'कुमारो अडविमइगओ, अम्हेहिं रिसिस्स भएण न तिण्णो सद्दावेउं'। तओ राया विसण्णमाणसो भणइ 'अहो अकज्ज, न य पिउसमीवे जाओ, न इहं, न नज्जइ कि पत्तो होहिइ' त्ति चिंतापरो अच्छइ । सुणइ य मुयंगसई, तं च से सुइपहदूमणं जायं । भणइ य 'मए दुक्खिए को मन्ने सुहिओ गंधव्वेण रमइ' त्ति। गणियाए पहिएण जणेण कहियं । सा आगया, पायवडिया रायं पसन्नचंदं विण्णवेइ 'देव, निमित्तसंदेसो मे, जो तावसरूवो तरुणो गिहमागच्छेज्जा ता तस्स समागमेव दारियं देजासि, सो उत्तमपुरिसो, तं संसिया विउलसोक्खभागिणी होहिइति। सो जहा भणिओ नेमित्तिणा अज्ज में गिहमागओ। तं च संदेसं पमाणं करेंतीए दत्ता से मया दारिया, तन्निमित्तं उस्सवो, न य णायं 'कुमारो पणट्ठो'। एत्थ मे अवराहं मरिसेह' ति । रण्णा संदिट्ठा मणुस्सा जेहिं आसमे दिट्ठपुवो कुमारो, तेहि य गएहिं पञ्चभिजाणिओ, निवेदियं च पियं । रण्णा परमपीइमुबहतेण वहुसहिओ सगिहमुवणीओ । सरिसकुलरूवजोवणगुणाण य रायकन्नगाणं पाणिं गिहाविओ, कयरज्जसंविभागो य जहासुहमभिरमइ ।
रहिओ चोरदत्तं दवं विकिणंतो रायपुरिसहि 'चोरो' त्ति गहिओ । वक्कलचीरिणा मोइओ पसन्नचंदविदियं ति ।
सोमचंदो वि आसमे कुमारं अपस्समाणो सोगसागरावगाढो, पसन्नचंदपेसिएहिं नगरगयं वकलचीरिं निवेदितेहि कह वि
For Private And Personal Use Only
