________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
६. सव्वकामियं पडणं ।
तओ अहं अहाउयं अणुपालिऊण चुओ समाणो इहेव विजए सुसुमारे रण्णे सुंसुमारागिरिम्म हत्थित्ताए उववन्नो, संपत्तो य कलभगावत्थं । एत्थंतरम्मि य इयरो वि नरयाओ उव्यट्टिऊण तम्मि चेव गिरिवरे सुगपक्खित्ताए उववन्नो त्ति । अइकंतो य सिसुभावं । दिट्ठो अहं तेण तम्मि चेव गिरिवरे सहावरमणीएसु नलवणेलु करेणुसंघायपरिगओ सलीलं परिभमंतो त्ति । तओ मं
ठूण पुव्वभवब्भासाओ उकडकम्मोदयाओ य समुप्पन्नो ममोवरि वेरपरिणामो । चिंतियं च तेणं । कहं पुण एस कुंजरो इमाओ भोगसुहाओ वंचियबो त्ति । उवाए गवेसिउमारद्धो । ___ अन्नया लीलारई नाम विज्जाहरो, सो मियंकसेणस्स विज्जाहरस्स भइणि चंदलेहाभिहाणिं अवहरिऊण तब्भएणेवागओ तमुद्देसं । भणिओ य तेण सो सुगो । ' अहं एत्थ गिरिनिगुंजे चिट्ठामि, आगमिस्सइ य एत्थ एगो विज्जाहरो, तओ न तुमए तस्स अहं साहियव्यो । गओ य सो ममं साहियव्वो। तओ ते किंचि पडिरूवभुवयारं करिस्सामि । एवं कए सुट्ठ मे उवकयं' ति जंपिऊणमोइण्णो वियडतडाभोगसंठियं गिरिनिगुंजं ।
इयरो वि तम्मि चेवुद्देसे नारंगपायवसाहागए नीडे चिट्ठइ, जाव आगंतूण गओ मियंकसेणो । एत्थंतरम्मि य करेणुपरिगओ अहं आगओ तमुद्देसं । तओ में दट्टण चिंतियं सुगेण । अस्थि इयाणि अवसरो मे समीहियस्स । तओ नियडिबहुलेण सजायाए सहाभिमंतिऊण मम सवणगोयरे भणियं । 'सुंदरि, सुयं भए भयवओ वसिट्टमहरिसिस्स समीवे जहा इहं सुसुमारपव्वए
For Private And Personal Use Only
