________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
... ७...
तो दोमुहेण निच्छयं नाऊण दिण्णा । सोहणदिणमुहुत्ते कयं पाणिग्गहणं | कइवयदिणेहिं पूइऊण विसज्जिओ, गओ उजोणि पजोओ।
अन्नया आगओ इंदमहूसवो । दोमुहराइणा आइट्ठा नायरजणा । 'उभेह इंदकेउं । तओ मंगलनंदीमहारवेण धवलधयवडाडोयखिखिणीजालालंकिओ अवलंबियवरमल्लदामो मणिरयणमालाभूसिओ नाणाविहपलंबमाणफलनिवचिंचइओ उन्मिओ इंदकेऊ । तओ नच्चंति नट्टियाओ। गिज्जति सुकइरइया कव्वबंधा | नचंति नरसंघाया। दंसंति दिटिमोहणाई इंदयालाई इंदयालिणो । दिज्जति तंबोला । खिप्पंति कुंकुमकप्पूरजलच्छडा । दिज्जति महादाणाई । वज्जति मुइंगाइआउज्जाई । एवं महापमोएण गया सत्त वासरा । आगया पुण्णिमा । पूइओ महाविच्छड्डेण कुसुमवत्थाईहिं दोमुहराइणा इंदकेऊ महातूररवेण ।
अन्नम्मि दिणे पडिओ मेइणीए । दिट्ठो राइणा अमेज्झमुत्तदुग्गंधे निवडिओ । जणेण परिलुप्पमाणो य दळूण वितियं । - धिरत्यु विज्जुरेह व्व चंचलाणं परिणामविरसाणं रिद्धीणं'। एयं चिंतयंतो संबुद्धो पत्तेयबुद्धो जाओ । पंचमुट्ठियं लोयं काऊण पन्वइओ । उत्तं च
जो इंदकेउं सुअलंकियं तं दट्टुं पडतं पविलुप्पमाणं । रिद्धिं अरिद्धिं समुपहियाणं पंचालराया वि समिक्खे धम्मं ।।
-उत्तराध्ययन, सुखबोधा टीका, - (वलद १९३७ ) पृ. १३५-६.
-
For Private And Personal Use Only