Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सुवेगकयबाहुबलिसुहडपसंसा। तस्स जे कराइपयाइणो जणा जाणवया य तेवि अणुरागेण भिच्चा विव पाणेहि पि पियं काउं इच्छेइरे, सिंहा इव वणेअरा गिरियरा जे सुहडा ते वि वसीभूया तस्स माणसिद्धिं काउं इच्छेइरे, सामि ! अलाहि पहुणा कहिएण, अहवा अहुणा सो वीरो जोद्धं इच्छाए तुम दह्र इच्छेइ, न उ दंसणुकंठाए, अओ परं जं अप्पणो रोएई तं सामी कुणेउ, जओ दूआ न मंतिणो किंतु सच्चसंदेसवाइणो संति । भरहनरिंदो सुत्तधारुव्व जुगवं विम्हयाऽमेरिस-खमा-हरिसाई तक्खणं देसिऊण इअ बवेइभरहनरिंदरस मंतीहिं सह वियारणा
अह सुरासुरमणूसेसु एयस्स सरिसो अण्णो कोवि नस्थित्ति अयं अत्थो मए सिमुकीलासु पि फुडं चिय अणुभूओ, जगत्तयसामिनंदणस्स मज्झ अणुयस्स बाइबलियो तिलोई वि तिणमेत्तं ति, एसा न थुई किंतु सच्चो एसो अट्ठो, अणेण लहुबंधुणा अहं सव्वहा सिलाहणिज्जो एव, जं बीयबाहुम्मि लहुयरम्मि एगो महंतो बाहू न सोहइ । जइ सीहो बंधणं सहेज्जा, सरहो वा वसं बच्चेज्जा, तइया बाहुबली वसीहोज्जा, तो मम किं हि ऊणयरं सिया ? । तओ अम्हे तस्स दुविणए सहिस्सामो, जइ लोगा मं असतं वइस्सन्ति, ता तं वयंतु, लोगम्मि पउरिसेण धणेण वा सव्वं वत्थु लब्भइ, किं तु विसेसेण तारिसो उ भाया कत्थ वि न पाविज्जइ । मंतिणो ! किं एवं जुत्तं नो वा, तुम्हे तुण्डिं धरिऊणं उदासीणा इव किं ठिआ ?, जहद्रं जं भवे तं वएज्जाह ।।
अह सेणाणी सामिणो खमाए बाहुबलिणो य अविणएण पहारेण विव इणो वएइ-हे देव ! उसहसामिणो पुत्तस्स सुपहुणो भरहेसरस्स उइया खमा, किंतु सा करुणापत्तम्मि जणम्मि अरिहा । जो जस्स गामम्मि वसेज्जा सो तस्स आहीणो जायइ, सो बाहुबली देसं पि भुनमाणो वयणेणावि तुम्हाणं नो वसो । पाणाणं अवहारी वि तेयं वइढवितो वेरी वरं, नियभाउणो तेय-वह विधायगो न उ बंधू वि सेट्ठो । रायाणो कोसेहिं सेण्णेहि मित्तेहिं तणएहिं देहेणावि य अप्पपहावं रक्खेइरे, ताणं पहावो च्चिय जीवियं । सामिणो स-रज्जेणावि किं अपुण्णं होत्था ? जो छखंडभरहखेत्तविजओ कओ, सो पहावट्ठमेव णायव्यो । एगत्थ वि हओ पहावो सव्वत्थ हि हओ चेक, जओ हि सई पि भट्ठसीला सई सव्वया सिया असई । गिहीणं पि धणेसु च्चिय संविभागो जुज्जइ, ते वि गिहिणो बंधवेहि गिज्झमाणं अप्पणो पहावं
१ अमर्षः-क्रोधः । २ तूष्णीम् । ३ आत्मप्रभावम् । ४ सकृत् ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |