________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
3483
THE SANSKRIT MANUSCRIPTS. वन्दे चर्मकपालिकोपकरणैर्वैराग्यसौख्यात्परं नास्तीति प्रदिशन्तमन्तविधुरं श्रीकाळिकेशं शिवम् ।। यत्कृपालवमात्रेण मूको भवति पण्डितः । वेदशास्त्रशरीरां तां वाणी वीणाकरां भजे ॥ कामाक्षीदत्तदुग्धप्रचुरसुरनुतप्राज्यभोज्याधिपूज्यश्रीगौरीनायकाभित्प्रकटनशिवरामार्थलब्धात्मबोधैः । श्रीमद्गोपालसद्भिः प्रकटितपरमाद्वैतभासा स्मितास्य
श्रीमद्गोविन्दवाणीचरणकमलगो निर्वृतोऽहं यथाळिः ॥ मोक्षपुर्या श्रीकाञ्चयां कामाक्ष्या दत्तं पायसं देवैरपि स्तुतं प्राज्य सम्पूर्ण प्रकृष्टाज्ययुक्तं वा यद्भोज्यमन्नं तेनाधिपूज्याः श्रीशिवरामयो. गिनः । किञ्च शिवश्चासौ रामश्चेति स्वनाम्ना श्रीगौरीनायकयोरभेदं प्रकटयति । तेभ्यो गुरुभ्यो लब्ध आत्मबोधो यैः श्रीमद्गोपालसरखतीभिरित्यर्थः ।
श्रीशङ्करं भाष्यकृतं प्रणम्य व्यासं हरिं सूत्रकृतं च वच्मि । श्रीभाप्यतीर्थे परहंसतुष्ट्यै वाग्जालबन्धच्छिदमभ्युपायम् ।।
अत्र भाष्ये कठिनवाग्रूपेण जालेन यो बन्धः जालबन्धः । पक्षिणामिव परमहंसानां क्लेशसन्नाशकमभीष्टमुपायं वच्मीत्यर्थः ।।
विस्तृतग्रन्थवीक्षायामलसं यस्य मानसम् । व्याख्या तदर्थमारब्धा भाष्यरत्नप्रभाभिधा ।। श्रीमच्छारीरकं भाष्यं प्राप्य वाक् शुद्धिमानुयात् । इति श्रमो मे सफलो गाङ्गं रथ्योदकं यथा ॥ यदज्ञानसमुद्भूतमिन्द्रजालमिदं जगत् । सत्यज्ञानसुखानन्तं तदहं ब्रह्म निर्भयम् ॥
For Private and Personal Use Only