Abhidhan Rajendra Kosh Part 04

SR No.: 016146
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1456
Language: Hindi
Classification: Dictionary

Page 398

ठि 1720 - अभिधानराजेन्द्रः भाग - 4 ठि ण्णता? गोयमा ! जहण्णेणं दस वाससहस्साइं, उक्कोसेणं दो पलिओवमाइं देसूणाई। अपज्जत्तयाणं पुच्छा ? गोयमा ! जहनेण वि उक्कोसेण वि अंतोमुहत्तं / पञ्जत्तयाणं पुच्छा? गोयमा ! जहण्णेणं दस वाससहस्साई अंतोमुहुत्तूणाई, उकोसेणं दो पलिओवमाइं देसूणाई अंतोमुहुत्तूणाई। सुवण्णकुमारीणं देवीणं पुच्छा? गोयमा! जहणणेणं दस वाससहस्साई, उक्कोसेणं देसूणं पलिओवमं / अपज्जत्तियाणं पुच्छा ? गोयमा! जहन्नेण वि उक्कोसेण वि अंतोमुहुत्तं / पजत्तियाणं पुच्छा ? गोयमा ! जहण्णेणं दस वाससहस्साई अंतोमुहुत्तूणाई; उक्कोसेणं देसूणं पलिओवमं अंतोमुहुत्तूणं। एवं एएणं अभिलावेणं ओहियअपज्जत्तपज्जत्तसुत्तत्तयं देवाण य देवीण य णेयव्वं जाव थणियकुमाराणं जहा नागकुमा-राणं। पुढविकाइयाणं भंते ! केवइयं कालं ठिई पण्णत्ता? गोयमा! जहन्नेणं अंतोमुहुत्तं, उक्कोसेणं बावीसं वाससहस्साई। प्रज्ञा० 4 पद। सण्हपुढवीणं भंते ! केवइयं कालं ठिई पण्णता? गोयमा ! जहन्नेणं अंतोमुहुत्तं, उक्कोसेणं एगं वाससहस्सं / सुद्धपुढवीपुच्छा ? गोयमा ! जहन्नेणं अंतोमुहुत्तं, उक्कोसेणं बारस वाससहस्सा। बालुयापुढवीपुच्छा ? गोयमा ! जहन्नेणं अंतोमुहुत्तं, उक्कोसेणं चउदस वाससहस्सा। मणोसिलापुढवीपुच्छा ? गोयमा ! जहन्नेणं अंतोमुहुत्तं, उक्कोसेणं सोलस वाससहस्साई। सक्करापुढवीपुच्छा? गोयमा ! जहण्णेणं अंतोमुहुत्तं, उक्कोसेणं अट्ठरस वाससहस्साई / खरपुढवीपुच्छा? गोयमा ! जहन्नेणं / अंतोमुहुत्तं, उक्कोसेणं बावीसं वाससहस्सा। "सण्हपुढविकाइयाणं "इत्यादि। श्लक्ष्णपृथिवीकायिकानां भदन्त! कियन्तं कालं स्थितिः प्रज्ञप्ता? भगवानाह-गौतम! जघन्येनान्तर्मुहुर्तम्, उत्कर्षत एक वर्षसहस्रम्। एवमन्येनाभिलाषेन शेषाणामपि पृथिवीनाम्। शुद्धपृथिव्याद्वादश वर्षसहस्राणि, बालुकापृथिव्याश्चतुर्दश वर्षसहस्राणि, मनःशिलापृथिव्याः षोडश वर्षसहस्राणि, शर्कगपृथिव्या अष्टादश वर्षसहस्राणि, खरपृथिव्या द्वाविंशतिवर्षसहस्राणि / सर्वासामपि चामूषा पृथिवीना जघन्येन स्थितिरन्तर्मुहूर्त वक्तव्या। जी०३ प्रति०। अपज्जत्तयपुढविकाइयाणं भंते ! केवइयं कालं ठिई पण्णत्ता ? गोयमा ! जहण्णेण वि उक्कोसेण वि अंतोमुहुत्तं / पज्जत्तयपुढविकाइयाणं भंते ! केवइयं कालं ठिई पण्णता ? गोयमा ! जहन्नेणं अंतोमुहुत्तं, उक्कोसेणं बावीसं वाससहस्साई अंतोमुहुत्तूणाई / सुहुमपुढविकाइयाणं पुच्छा ? गोयमा ! जहण्णेण विउकोसेण वि अंतोमुहुत्तं / अपज्जत्तयसुहु- | मपुढविकाइयाणं पुच्छा ? गोयमा ! जहन्नेण वि उक्कोसेण वि अंतोमुहुत्तं / पज्जत्तयसुहुमपुढविकाइयाणं पुच्छा ? गोयमा ! जहन्नेण वि उक्कोसेण वि अंतोमुहत्तं / बादरपुढविकाइयाणं पुच्छा? गोयमा ! जहन्नेणं अंतोमुहुत्तं, उक्कोसेणं बावीसं वाससहस्साइं। प्रज्ञा०४ पद। बायरस्स णं भंते ! केवतियं कालं ठिती पन्नत्ता? गोयमा ! जहण्णेणं अंतोमुहुत्तं, उक्कोसेणं तेत्तीसं सागरोवमाई ठिती पण्णत्ता / जी० 6 प्रति० / अपजत्तयबादरपुढविकाइयाणं पुच्छा? गोयमा! जहण्णेण वि उक्कोसेण वि अंतोमुहुत्तं / पज्जत्तयबादरपुढविकाइयाणं पुच्छा ? गोयमा ! जहण्णेणं अंतोमुहुत्तं, उक्कोसेणं बावीसं वाससहस्साई अंतोमुहुत्तूणाई। आउकाइयाणं भंते ! केवइयं कालं ठिई पण्णत्ता? गोयमा ! जहन्नेणं अंतोमुहत्तं, उक्कोसेणं सत्त वाससहस्साइं अपञ्जत्तयआउकाइयाणं पुच्छा ? गोयमा ! जहण्णेण वि उक्कोसेण वि अंतोमुहुत्तं / पज्जत्तयआउकाइयाणं पुच्छा? गोयमा ! जहण्णेणं अंतोमुहुत्तं, उक्कोसेणं सत्त वाससहस्साइं अंतोमुहुत्तूणिआई। आउकाइयाणं ओहियाणं अपज्जत्तयाणं पज्जत्तयाणं जहा सुहुमपुढविकाइयाणं तहा भाणियव्वं 1 बादरआउकाइयाणं पुच्छा ? गोयमा ! जहन्नेणं अंतोमुहुत्तं, उक्कोसेणं सत्त वाससहस्साई। अपज्जत्तयबादरआउकाइयाणं पुच्छा ? गोयमा ! जहण्णेण वि उक्कोसेण वि अंतोमुहुत्तं / पञ्जत्तयाणं पुच्छा? गोयमा! जहन्नेणं अंतोमुहुत्तं, उक्कोसेणं सत्त वाससहस्साइं अंतोमुहुत्तूणाई। तेउकाइयाणं भंते ! केवइयं कालं ठिई पण्णत्ता ? गोयमा ! जहन्नेणं अंतोमुहुत्तं, उक्कोसेणं तिण्णि राइंदियाई। अपज्जत्तयाणं पुच्छा? गोयमा! जहन्नेण वि उक्कोसेण वि अंतोमुहुत्तं / पज्जत्तयाणं पुच्छा ? गोयमा ! जहन्नेणं अंतोमुहुत्तं, उक्कोसेणं तिण्णि राइंदियाइं अंतोमुहुत्तूणाई। सुहुमतेउकाइयाणं पुच्छा? गोयमा! जहन्नेण दि उक्कोसेण वि अंतोमुहुत्तं / अपज्जत्तापज्जत्ताणं सुहमाणं पुच्छा ? गोयमा ! जहन्नेण वि उक्कोसेण वि अंतोमुहुत्तं / बायरतेउकाइयाणं पुच्छा? गोयमा! जहन्नेणं अंतोमुहुत्तं, उक्कोसेणं तिण्णि राइंदियाइं। अपञ्जत्तयाणं पुच्छा ? गोयमा! जहण्णेण वि उक्कोसेण वि अंतोमुहुत्तं / पजत्तयाणं पुच्छा ? गोयमा ! जहण्णेणं अंतोमुहुत्तं, उक्कोसेणं तिण्णि राइंदियाई अंतोमुहुत्तूणाई। वाउकाइयाणं भंते ! केवइयं कालं ठिई पण्णत्ता ? गोयमा! जहन्नेणं अंतोमुहुत्तं, उक्कोसेणं तिण्णि वाससहस्साई /