Abhidhan Rajendra Kosh Part 03

SR No.: 016145
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1388
Language: Hindi
Classification: Dictionary

Page 1214

चिलाईपुत्त 1160 - अभिधानराजेन्द्रः - भाग 3 चिलाईपुत्त दुल्लभजलपेरंता सुबहुस्स वि कुवियस्स बलस्स आगयस्स दुप्पवेसा वि होत्था / तत्थ णं सीहगुहाए चोरपल्लीए विजए नामंचोरसेणाहिवई परिवसइ, अहम्मिए अहम्मक्खाई अधम्मिट्टे अधम्माणुए अहम्मपलोई अहम्मसीलसमुदारे जाव अहम्मकेउसमुट्ठिए वहुणमरनिग्गयजसे सूरे दढप्पहारी साहसिए सद्दवेही, से णं तत्थ सीहगुहाए चोरपल्लीए पंचण्हं चोरसयाणं आहेवचं० जाव विहरइ / तए णं से विजयतक्करे चोरसेणावई बहुणं चोराण य पारदानमाण य खत्तखणगाण य गंठिछिंदगाण यसंधिच्छेदगाणय रायावराहाण य अणधारगाण य सुणभंजगाण य वालधायगाण य वीसीभघायगाण य जू यकाराण य खंडरक्खाण य अण्णेसिं च बहुणं छिण्णभिण्णवाहिराहयाणं कुडंगे यावि होत्था / तए णं से विजयतकरे चोरसेणाहिवई रायगिहस्स णयरस्स दाहिणपुरच्छिमंजणवयं बहूहिं गामघाएहि य नगरघाएहि य गोग्गहणेहि य वंदिग्गहेणेहि य पंथकुट्टणाहिय खत्तखणणेहि य उववीलेमाणे 2 विद्धंसेमाणे नित्थाणं निद्धणं करेमाणे विहरइ / तए णं से चिलाए दासचेड ए रायगिहे णयरे बहुहिं अत्थाभिसंकीहि यचारियाभिसंकीहि य दारामिसंकीहि य धणिएहि य जूयकरेहि य परिभवमाणा 2 रायगिहाओ णयराओ णिग्गच्छति, णिग्गच्छतित्ता जेणेव सीहगुहा चोरपल्ली तेणेव उवागच्छति, उवागच्छतित्ता विजयं चोरसेणाहिवई उवसंपज्जित्ता णं विहरइ। तएणं से चिलाएदासचेडए विजयस्स चोरसेणाहिवइस्स अग्गअसिलट्ठिग्गाहे जाए यावि होत्था। जाहे वियणं से विजएए चोरसेणाहिवई गामघायं वा० जाव पंथकोर्ट्स वा काउं वयंति, ताहे वि य णं से चिलाए दासचेडे सुबहु पि य कुवियबलं हयमहिय० जाव पडिसेहेइ. पुणरवि लद्धढे कयकज्जे अणहसमग्गे सीहगुहं चोरपल्लि हव्वमागच्छइ / तए णं से विजए चोरसेणाहिवई चिलायं तकरं वहुओ चोरविज्जाओ य चोरमंते य चोरपाउयाओ य चोरमायाओ य चोरणिगडीओ य सिक्खावेइ / तए णं से विजयचोरसेणाहिवई अन्नया कयाई कालधम्मुणा संजुत्ते होत्था / तए णं से ताई पंचचोरसयाई विजयस्स चोरसेणाहिवइस्स मइया 2 इड्डीसक्कारसमुदएणं णीहरणं करेति, करेतित्ता वहुइं लोइयाई मयकिच्चाई करेइ, काले णं०जाव विगयसोया जायासा यावि होत्था। तते णं ताई पंचचोरसयाई अन्नमन्नं सद्दावेइत्ता एवं वयासी-एवं खलु देवाणुप्पिया! विजए चोरसेणाहिवई कालधम्मुणा संजुत्ते, अयं चणं चिलाएतकरे विजएणं चोरसेणावइणा बहुओ चोरविजाओ० जाव सिक्खावियं, ते सेयं खलु अम्हं देवाणुप्पिया ! चिलायं तक्करं सीहगुहाओ चोरपल्लीओ चोरसे णाहिवइत्ताए अभिसिंचित्तइए त्ति कटु अन्नमन्नस्स एयमद्वं पडिसुणेति, चिलायं सीहगुहाए चोरपल्लीए चोरसेणाहिवइत्ताए अभिसिचंति। तएणं से चिलाए चोरसेणाहिवई जाए अहम्मिए० जाव विहरति / तए णं से चिलाए चोरसेणाहिवई चोरणयगे जाव कुंडगे यावि होत्था / से णं तत्थ सीहगुहाए चोरपल्लीएपंचण्ह य चोरसयाण य एवं जहा विजओ तहेव सव्वं० जाव रायगिहस्स णं णगरस्स दाहिणपुरच्छिडिल्लं जणवयं० जाव निद्धणं करेमाणे विहरइ। तएणं से चिलाए चोरसेणाहिवई अन्नया कयाइं विउलं असणं०४ उवक्खडावेति, ताए पंचचोरसए आमंतेइ, तओ पच्छा ण्हाए० जाव भोयणमंडवंसि तेहिं पंचहि चोरसएहिं सद्धि विउलं असणं०४ सुरं च० जाव पसण्णं च आसाएमाणे विहरइ / जिमियमुत्तुत्तरागए ते पंचचोरसए विउलेणं धूवगंधमल्लालंकारेण सकारेइ, संमाणेइ, एवं वयासी-एवं खलु देवाणुप्पिया ! रायगिहे णयरे धण्णे नामं सत्थवाहे अड्डे, तस्स णं धूआ भद्दाए अत्तया पंचण्हं पुत्ताणं अणुमग्गं जाइया सुंसुमा नामदारिया होत्था अहीणा० जाव सुरूवा / तं गच्छामो णं देवाणुप्पिया ! धण्णस्स सत्थवाहस्स गिह विलुपामो, तुभं विपुलेणं धणकणग० जाव सिलप्पवाले, मम सुंसुमा दारिया / तए णं ते पंच चोरसया चिलायस्स एयमढें पडिसुणेति, तए णं से चिलाए चोरसेणाहिवई तेहिं पंचचोरसएहिं सद्धिं अल्लचमदुरूहइ, पुवावरण्हकालसमयंसि पंचचोरसएहिं सद्धिं सन्नद्ध० जाव गहिआउहपहरणे माइयगोमुहएहिं फलएहिं निकट्ठाहिं असिलट्ठाहिं आसगएहिं तोणे हिं सजीवे हिं धणु एहि समुक्खित्तेहिं सरेहिं समुल्लालियाहिं दाहाहिं ओसारियाहिं जलघंटियाहिं ऊरूघंटियाहिं छिप्पत्तूरेहिं वजमाणाहिं महया 2 छक्किट्ठसीहणायचोरकलकलरवं० जाव समुद्दरवरभूयं करेमाणा पुव्वावरणहकालसमयंसि सीहगुहाओ चोरपल्लीओ पडिणिक्खमति, पडिणिक्खमइत्ता, जेणेव रायगिहे णयरे तेणेव उवागच्छति, उवागच्छत्तित्ता रायगिहस्स णयरस्स अदूरसामंते एगं महं गहणं अणुप्पविसंति, अणुप्पविसंतित्ता दिवसं खवेमाणा 2 चिट्ठति, तए णं से चिलाए चोरसेणाहिवई अद्धरत्तकालसमयं सि णिसंतं पडि णिसं तम्मि पंचहिं चोरसएहि सद्धिं माइयगोमुहेहिं फलएहिं० जाव मुइयाहिं ऊरूघंटियाहिं जेणेव रायगिहे णगरे पुरच्छिमिल्ले दुवारे तेणेव उवागच्छति, उवागच्छतित्ता उदगवत्थि परामुसइ, परामुसइत्ता