________________
गणिनी आर्यिकारत्न श्रीज्ञानमती मातुः
पवित्र गुर्वावलिः
- आर्यिका चन्दनामतिः
निजकेवलज्ञानज्योतिषा त्रिलोकवर्तिचराचरसमस्तपदार्थानां हस्तामलकवत् जानन्ति वृषभादयः चतुर्विंशतितीर्थङ्कराः । तीर्थस्य अविच्छिन्नपरम्परायां सम्प्रति श्रीवर्धमानभगवतः सार्वभौमशासनं वर्धते । तस्यैव वीरजिनेन्द्रस्य शासनकाले श्रीकुन्दकुन्दाम्नाये नन्दिसंघ सरस्वतीगच्छे बलात्कारगणे चारित्रचक्रवर्तिश्रीशांतिसागराचार्यवर्यस्तत्प्रथमपट्टाधीशो आचार्यः श्रीवीरसागरमुनीन्द्रोऽस्य करकमलात् “वीराब्दे (२४८२) द्वयशीत्यधिकचतुर्विंशतितमे वर्षे वैशाखमासे कृष्णपक्षे द्वितीयातिथौ राजस्थानप्रान्तस्य माधोराजपुरा पत्तने" सुदीक्षिता महासाध्वी आर्यिका श्रीज्ञानमती माता इह जगति चिरकालपर्यन्तं भव्यप्राणिनां कल्याणं कुर्यात् सम्यग्ज्ञानप्रकाशं च कुर्यात्। अधुनावीराब्दे अष्टादशोत्तरपञ्चविंशतिशततमे वर्षे आश्विनशुक्लापूर्णिमायां तिथौ रविवासरे मातुः गुणानुरागवशात् भाक्तिकजनाः एकस्याभिवन्दनग्रन्थस्य प्रकाशनं कृत्वा अस्याः करकमलयोः समर्पयन्ति । निजख्यातिलाभपूजाभ्यः दूरीभूत्वा गणिनी आर्यिका श्रीज्ञानमती माता ज्ञानध्यानतपोरक्ता विराजिता। मातुः ज्ञानप्रकाशिका दृष्टिः युगानुयुगपर्यन्तं वसुन्धरां विकासयेत्। इति वर्धतां गुरुशासनम्।
Jain Educationa international
For Personal and Private Use Only
www.jainelibrary.org
