________________
आचार्य विजयवल्लभसूरि स्मारक ग्रंथ प्रनवें तिनिके पाट अब जस रस कित्ति जिहाजु । भरे भारती भारती कनककुशल कविराजु ॥ ४०॥ मानै जिन्है महाबली, महाराज अजमाल । अरु सूबे अजमेरु के मान कै महिपाल ॥ ४१॥ जानै खान जिहाँ जिन्हे, ब्हादर बड़े नुबाब । सैदनि को मामू सुधर, गुण सौरभ गुलाब ॥ ४२ ॥ जूनागढ़ सूबै जबर, बाबी वंश नुबाब । सरेखान जिन सुगुरु को अधिक बढ़ायो श्राब ।। ४३ ।। अरे जती इक और सब, एकु और कौं आपु। पाट तपां पंच सद्धिों , थप्यो तउ निजु थापु ।। ४४ ।। तदनु राउल देसल तनुज, कच्छपति लखाकुमार। गुरु कहि राखै गाम दे, परम मान करि प्यार ।। ४५ ।। कच्छ इंद अाजै रहैं और उ सुधी अनेकु । अखिल शास्त्रवेत्ता अधिकु, एकु एकु तें एकु ।। ४६ ।। पूज्य महापुन्यासके, पुष्टि जदपि परिवार । तदपि समों कुंअरेस को, अानत मन इतबार ॥ ४७ ।। करि लखपति तासौं कृपा, कह्यौ सरस यह काम । मंजुल लखपति मंजरी, करहु नाम की दाम ।। ४८॥ तब सविता को ध्यान धरि, उदित को श्रारंभ। बाल बुद्धि की वृद्धि को, यह उपकार अदंभ ।। ४६ ।।
Jain Education International
For Private & Personal Use Only
www.jainelibrary.org
