Page Text
________________
जो धम्म-धुरंधरु उण्णय-कंधरु सुअण-सहावालंकरिउ । अणुदिणु णिच्चलमणु जसु बंधवयणु करइ वयणु णेहावरिउ । जो भव्वभाव पयडण समत्थु, ण कया वि जासु भासिउ णिरत्थु । णाइण्णइ वयणई दुज्जणाह, सम्माणु करइ पर सज्जणाहं । संसग्गु समीहइ उत्तमाहं, जिणधम्म विहाणे णित्तमाहं । णिरु करइ गोठ्ठि सहुं बुयणेहिं, सत्थत्थ-वियारण हिय-मणेहिं । किं बहुणा तुज्झु समासिएण, अप्पउ अप्पेण पसंसिएण । महु वयणु ण चालइ सो कयावि, जं भणमि करइ लहु तं सयावि । तं णिसणिवि सिरिहरु चलिउ तेत्थु, उवविठ्ठउ णट्टलु ठाई जेत्थु । तेणवि तहो आयहो विहिउ माणु, सपणय तंबोलासण समाणु । जं पुव्व जम्मि पविरइउ किंपि, इह विहिवसेण परिणवइ तंपि । खणु एक्क सिणेहें गलिउ जाम, अल्हण णमेण पउत्त ताम । भो णट्टल णिरुवम धरिय कुलक्कम, भणमि किंपि पई परम सुहि । पर समयः परम्मुह अगणिय दुम्मह परियाणिय जिण समय विहि । कारावेवि णाहेयहो णिकेउ, पविइण्णु पंच वणं सुकेउ । पई पुणु पइट्ठ पविरइय जेम, पासहो चरित्त, जइ पुणवि तेम । विरयावहि ता संभवइ सोक्खु, कालंतरेण पुणु कम्ममोक्खु । सिसरयर-विवे णिय जणण णामु, पई होइ चडाविउ चंद-धामु । तुज्झु वि पसरइ जय जसु रसत, दस दिसहि सयल असहण हसंतु। तं णिसुणिवि णट्टलु भणई साहु, सइवाली पिय यम तणउं णाहु । भणु खंड रसायणु सुह यासु, रुच्चइ ण कासु यतणु पयासु । एत्थंतरि सिरिहरु वुत्त तेण, णट्टलु णामेण मणोहरेण । भो तहु महु पयडिय णेहभाउ, तुहं पर महु परियाणिय सहाउ । तुहुं महु जस सरसीरुह सुभाणु, तुहुं महु भावहि णं गुण-णिहाणु । पई होतएण पासहो चरित्तु, आयण्णमि पयडहि पावरित्त । तं णिसुणिवि पिसुणिउं कविवरेण, अणवरउ लद्ध-सरसइ-वरेण । विरयमि गयगावें पविमल भावें तुह वयणे पासहो चरिउ । पर दुज्जण णियरहिं हयगुण पयरहिं घरु पुरु णयरावरु भरिउ । इय सिरिपासचरितं रइयं बुह-सिरिहरेण गुण-भरियं । अणुमणियं मण्णोज्जं णट्टल-णामेण भव्वेण । विजयंत-विमाणाओ वम्मादेवीइ णंदणो जाओ। . कणयप्पहु चविऊणं पढमो संधी परिसमत्तो। राहव साहुहें सम्मत्त-लाहु, संभवउ समिय संसार-दाह । सोढल नामहो सयल वि धरित्ति, धवलंति भमउ अणवरउ कित्ति ।। तिण्णि वि भाइय सम्मत्त-जुत्त, जिणभणिय धम्म-विहि करण धुत्त । महिमेरु जलहि ससि सूरु जाम, सहुं तणुरुहेहिं णंदंतु ताम । चउविहु वित्त्थरउ जिणिंद-संघु, परसमय खुद्दवाइहिं दुलंघु ।। वित्थरउ सुयजसु भुअणि पिल्लि, तुट्टउ डित्ति संसार-वेल्लि । विक्कम णरिंद सुपसिद्ध कालि, ढिल्ली पट्टणि धण कण विसालि ।। सणवासि एयारह सएहि, परिवाडिए वरिसहं परिगएहि । कसणठ्ठमीहिं आगहणमासि, रविवारि समाणिउ सिसिर भासि ।।
जैन इतिहास, कला और संस्कृति
Jain Education International
For Private & Personal Use Only
www.jainelibrary.org
| SR No. | 012045 |
| Book Title | Deshbhushanji Aacharya Abhinandan Granth |
| Original Sutra Author | N/A |
| Author | R C Gupta |
| Publisher | Deshbhushanji Maharaj Trust |
| Publication Year | 1987 |
| Total Pages | 1766 |
| Language | Hindi, English |
| Classification | Smruti_Granth & Articles |
| File Size | 56 MB |