________________
ક
॥ श्री ॥
॥ श्रीगोरक्षनाथकृतसिद्धसिद्धान्तपद्धतिः ॥ प्रथमोपदेशः ।
--
॥ श्रीगणेशाय नमः ॥
आदिनाथं नमस्कृत्य शक्तियुक्तं जगद्गुरुम् । वक्ष्ये गोरक्षनाथोऽहं सिद्धसिद्धान्तपद्धतिम् ॥ १ ॥ नास्ति सत्यविचारेऽस्मिन्नुत्पत्तिश्चाण्डपिण्डयोः । तथापि लोकवृत्त्यर्थं वक्ष्ये सत्सम्प्रदायतः ॥ २ ॥ सा पिण्डोत्पत्त्यादिः सिद्धमते सम्यक् प्रसिद्धा । पिण्डोत्पत्तिः पिण्डविचारः पिण्डसंवित्तिः पिण्डाधारः पिण्डपदसमरसभावः श्रीनित्यपिण्डावतः ॥ ३ ॥ यदा नास्ति स्वयंकर्ता कारणं न कुलाकुलम् । अव्यक्तं च परं ब्रह्म अनामा विद्यते तदा ॥ ४ ॥
अनामेति स्वयंमनादि सिद्धमेकमेवानादिनिधनं सिद्ध सिद्धान्तप्रसिद्धं तस्येच्छामात्रधर्माधर्मिणी निजा शक्तिः प्रसिद्धा ॥ ५ ॥
तस्या उन्मुखमात्रेण परा शक्तिरुत्थिता । तस्यास्स्पन्दनमात्रेण अपरा शक्तिरुत्थिता || ६ |
ततोऽहन्तार्धमात्रेण सूक्ष्मशक्तिरुत्पन्ना ।
ततो वेदनशीला कुण्डलिनी शक्तिरुद्रता ॥ ७ ॥
१ - श्रीनित्यावधूत (ह. ). २ - न ( यो. तं.). ३ - उन्मुखत्व (ह.).
तस्य (ह. ). ५ - अहन्तार्थ ( ह. ) .