________________
कुटुंगयम्मि जं पुण इओ उवरिं॥ ३७३ ॥ तं भवो नायं चिय तुम्ह सयासाउ तम्मि कालम्मि । आगम्म सामपुष
पुष्फबईए इमं भणियं ॥ ३७४ ॥ पंचालसामिपुत्तं पई पवजेह तुम्ह जो भाया । सो अलियखग्गवावारणेण इमिणा हवयं नीओ॥ ३७५॥ ता सोयनिभराओ वहिरीकयअडविअंतरालाओ। जा रोविडं पवत्ताउ ताव अइनिउणवय
हिं ॥ ३७६ ॥ पुप्फवाईए संबोहियार तह नटुमंतवयणाओ। विण्णायवइयराओ भत्ता एयासिं वंभसुओ ॥ ३७७ ॥ होहित्ति तहा भणियं न विगप्पो एत्थ कोवि काययो । सुमरिजउ मुणिवयणं मन्निजउ भदत्तपई॥ ३७८॥ तबयणाहायपणणो मण्णियमम्हाहिं साणुरायाहिं । तो रहसपरवसाए तीए चलिया सियपडागा॥ ३७९ ॥ तो रत्तासंकेए विवतरीयत्तणमुवागए संते । अण्णत्व कत्थइ तुमं पउत्थमन्नेसमाणीओ॥ ३८॥ भूमीमंडलमाहिंडमाणिगाओ ठियाउन
य दिवो। कत्थइ तुम विसण्णाओ एत्थ अम्हे समायाओ॥ ३८१॥ अवियक्कियजच्चसुवन्नवुढिविन्भममचिंतणिजमओ। जायं तुज्झ निहालणमजम्हाणं सुहनिहाणं ॥ ३८२ ॥ ता पत्थियकप्पदुम! तुमं महाभाग! सुमरिऊण तहा । पुप्फवईए वइयरमायरसु समीहियं अम्ह ॥ ३८३॥ तो रहसपरवसमणो ताओ वीवाहिऊण उज्जाणे । रत्तीए ताहिं समं वुत्थो पत्ते विभायम्मि ॥ ३८४ ॥ वुत्ताओ जह समीवे पुप्फवईए विणीयरूवाहिं । ता ठायचं जा अम्ह रजलाभो वियंभेइ ॥ ३८५ ॥ इय काहामुत्ति पयंपिऊण तासुं गयासु पासाई । जाव पलोयइ नो किंचि ताव तं धवलहरमाई ॥ ३८६ ॥ पासइ, चिंतियमेएण णूणं माया इमा कया सवा । विज्जाहरीहिं कहमण्णहा इमं इंदयालसमं? ॥ ३८७ ॥ जायं विल
क 'नमंत
