________________
कमवि कुमरो निहामुको पवियंभमाणतणू ॥ ३१२ ॥ जाव निभालेइ दिसंतराई नो ताव वरघणुं नियइ । परिभावियं जलट्ठा इओ तओ होहि गउत्ति ॥ ३१३ || नवजलयगहिरघोसेण तेण सद्दी करेत्तमारद्धो ( ग्रंथाग्रं ५०० ) । पडिवयणमलभमाणेण कहवि दिट्ठं रहस्स धुरं ॥ ३१४ ॥ अइवहलरुहिरधारा लित्तं संजायसंभमो ताहे । वावाइओ वरघणू णूगंति विगप्पिडं पडिओ ॥ ११५ ॥ तस्स रहस्सुच्छंगे निरुद्धसवंगचेयणो धणियं । रयणवईए सीयलजलपवणासासिओ संतो ॥ ३१६ ॥ उम्मीलियचेयण्णो हा हा भाय ! त्ति रोविडं लग्गो । रयणवईए कहकहवि उवरमो रोयणस्स कओ ॥ ३१७ ॥ सा तेण तओ भणिया सुंदरि ! नज्जइ फुडं न किंचि जओ । किं वरधणू मओ जीवइत्ति ता तस्स | वृत्तं ॥ ३१८॥ उवल जुत्तं गमणमिहि पच्छामुहस्स मे सुयणु । । भणियमिमीए रण्णे इमम्मि बहुसावयाइणे ॥ ३१९ ॥ | कह मंसपेसिसरिसं बहुसामण्णं विमुत्तुं जियनाह । । इच्छसि ममं तुमं, तह नियडे च्चिय वट्टए वसिमं ॥ ३२० ॥ जेण | कुसकंटयाई जणचलणविलोलिया इह पएसे । दीसंति तत्थ गम्मउ तत्तो जुत्तं करेज तुमं ॥ ३२१ ॥ तत्तो लग्गो गंतु मगहाभिमुहं ठियम्मि संधीए । विसयस्स गओ गामे एकम्मि स, भाविएण तहिं ॥ ३२२ ॥ गामपहुणा विलोइय रूवं तस्स परिभावियं मणसा । एस महप्पा दिवस्स वसगओ कोवि एगागी ॥ ३२३ ॥ पडिवन्नो बहुगउरवमाणीओ नियघरे | सुहासण्णो । पुट्ठो जहा महाभाग ! किं समुविग्गचित्तो सि १ ॥ ३२४ ॥ परिफुसियनयणसलिलो सो भणइ महं सहोयरो लहुओ। चोरेहिं समं भंडणमाढत्तो काउमह तत्थ ॥ ३२५ ॥ पत्तो किमवत्थंतरमेत्तो तस्सा गवेसणं काउं । गंतवमत्थि भणियं तेण तओ गामपहुणेवं ॥ ३२६ ॥ मा एत्थ कुणसु खेयं जइ वणगहणे इमम्मि सो होही । तं लहिही धुवं
