Page Text
________________
वीरवाण तरै चारण मांगल यांणोजीनै चुडानै माथे लेनै महेवै छांना आया। मांगलीयांणीजी तो गांव मै छांना ओ ताकि राषीया । चुडीनै लेनै भीवा षवास कनै गया। राम २ कीयौ । हेठा बैठा । तरै भीवै षवास पूछयो । बारटजी राज ओ मोटीयार कुण छै ? तरै बारटजी भीवारा कान मै वात कही । वीरमदेजीरो बेटो चुडौ छै। मांगलीयांणीजी गांव माहे फलाणी जायगा छ । भीवाजी राज चुंडो आपरै षोलै छै। वरदासत करावज्यौ । इतरी भलावणि देनै बारटजी सीष कीनी । पछै भीवो षवास मांगलीयांणीजी रे पगां लागा नै घरची दिराई । कितरायक दिन तो इण तरै गुदरांन कीयौ । चुडोजी भीवा षवास कनै रहै सादो रजपूत रहै जिण तरे।
एक दिन मालोजी दरबार बैठा था । भोवो षवास चुडानै लेनै दरवार गयौ। मुजरो करि नै हेठा बैठा । इतरामै रावलजी नाडालोड करण नै उठीया । तरै चुडै उठिनै जोड़ी श्राधी कीनी । तरै रावलजी सांमी निजरि देनै जोयो । नाडा छोड करिनै पाछा पधारया । तरै भीवाने पूछोयो । भीवा ! श्रो मोटीयार तो कनै कुण छ । तरै भीवै हाथ जोड नै • अरज कीनी प्रथीनाथ तकसीर माफ हुवै तो रावलजी मु मालिम करु । तरै रावलजी कह्यौ हुवै तिका परी कहो । थारो कह्यौ कोई लोपां नहीं। तरै भीवै कह्यौ महाराजरो घांना नाद छोरु छै । वीरमदेजीरो बेटो चुडो छै । तरै रावलजी वतै भीवानै क्यु कहणीबायो नहीं। तरै भीवारा कह्यासु सालोडी गांव थांण मेलीयौ । तिको चुडो रोजिगार पावै ।
अबै चुडारो दिन वलीयौ । जिका ते वडे तिको पाधरी पडै। चुढारी ठकुराई बधी। चुडोवज वजीयौ । साथ सांमांन राषण लागौ । सो मालै रावल सुणीयौ । तरै भीवा षवास नै अोलंभो दीयौ । भीवा तै पा किसी उपाधि घाटी । वीरम विराघीरा छोरु वधारया । तरै भीवै कह्यौ । रावलजी सिलामत आप अागै जिण ठाकुर कही छै तिको षरीज हु सी । पिण मै तो घणो बधीयो क्युही दीठो नही। यु कहि नै भीवे वात टलाय दीनी । पछै तीण दिन सु चुडै भुजाई मांडी । लोकां माहे घणो जस हवौ । तिको रावलजी घणो दुष पावै । तरै रावलजी सालवडी जांणरो विचार कीयौ । तरै भीवै चुडाने कवाडि मेलीयौ जे रावल मालोजी साल वडी पधारसी । थे सादै सैलवेस माहे रहज्यौ । तितरै मालोजी पिण सालवडी आया । तरै . चुडारो लवेस सादी सलै दीठौ । तरै रावलजी कह्यौ । मां प्रागै जिणां ठाकुरां कह्यो तिणां रै मुहदै धूल पडसी । सरै रावलजी पाछा महेवै आया । वांस चुडो इणं हीज भांति वज वजीयौं ।
इतरामै चुडानै माता नागणेची । तूठी प्रतक्ष होय नै चुडासु वातां करै । जठै चुडो जठै चांमंड । सो एक दिन चांमंड अाधी रातिरी आय नै कहण लागी। चुडा जागै छै? . तरै चुडै कह्यौ माताजी जागु छु । तरै माताजी कह्यो । सवारै जालोर दिसले मारग व्यापारीयांग पोठ्या ४ लुणसु भरीया छै । माहे सोनारी ईट छै। उपरा लूण छै । तु सोनो उरोले । तरै चुडो पांच सात अादमी मातबर लेने जालोररा मारगमै जाय बैठो। प्रभाते ही पोठीया लीयां व्यापारी आय नीसरी या । चुडो व्यापारीयांनै पकडि नै पठीया ले आयो। मांहसु सोनो कादिनै परची कीनी । बाकीरो सोनो गांवरी सीव मै धरती मै गाडि दीयौ । पोठीया पाछा लूण सु भरिनै महेवै पुहचता कीया। पछै व्यापारीयां नै छोड दीया । तिके रावल
| SR No. | 010752 |
| Book Title | Veervaan |
| Original Sutra Author | N/A |
| Author | Rani Lakshmikumari Chundavat |
| Publisher | Rajasthan Prachyavidya Pratishthan Jodhpur |
| Publication Year | 1960 |
| Total Pages | 205 |
| Language | Hindi |
| Classification | Book_Devnagari |
| File Size | 7 MB |