________________
बौनो उद्देसो
१३. अट्टे लोए परिजुण्णे, दुस्संबोहे अविजाणए ।
१४. अस्सिं लोए पवहिए।
१५. तत्थ तत्थ पुढो पास, पाउरा परितार्वति ।
१६. संति पाणा पुढो सिया।
१७. लज्जमाणा पुढो पास ।
१८. 'अणगारा मो' त्ति एगे पवयमाणा ।
१६. जमिणं विरूवरूवेहि सत्थेहि पुढवि-कम्म-समारंभेणं पुढधिसत्थं समारंभेमाणे
अणेगरूवे पाणे विहिंसइ ।
२०. तत्थ खलु भगवया परिण्णा पवेइया । २१. इमस्स चेव जीवियस्स,
परिवंदण-माणण-पूयणाए, जाई-मरण-मोयणाए, दुक्खपडिघायहेउं ।
२२. से सयमेव पुढवि-सत्थं समारंभइ, अण्णेहि वा पुढवि-सत्थं समारंभावेइ,
अण्णे वा पुढवि-सत्थं समारंभंते समणुजाणद्र ।
२३. तं से अहियाए, तं से अबोहीए । २४. से तं संवुज्झमाणे, पायाणीयं समुट्ठाए ।
अायार-सुत्तं
