Page Text
________________
परिशिष्ट ४
३२७
६६ १. आवश्यकचूणि, पूर्वभाग, पृ० २७४, २७७ :
पच्छा सरदे निग्गओ मोरायं नाम सन्निवेसं गओ, तत्थ सामी वहिं उज्जाणे ठिओ, तत्थ य मोरागए सन्निवेसे अच्छंदगा नामं पासंडत्था, तत्थ एगो अच्छंदओ तत्थ गामे अच्छइ, सो पुण तत्थ गामे कोंटलवेंटलेण जीवति, सिद्धत्थगो एकल्लओ अच्छतो अद्धिति करेति बहुसंमोइतो य, भगवतो य पूर्व अपेच्छंतो, ताहे सो वोलेंतं गोहं सद्दावेत्ता वागरेति, जहिं पधावितो जंजिमितो ज पंथे दिळं जे य सुविणगा दिट्ठा, ताहे सो आउट्टो गामं गंतुं मित्तपरिजिताण परिकहेति, सव्वहिं गाने फसितं एस देवज्जतो उज्जाणे अतीतवद्रमाणाणागतं जाणति, ताहे अन्नोऽवि लोओ आगतो, सव्वस्स वागरेति, लोगो तहेव आउट्टो महिमं करेति सो लोगेण अविरहितो अच्छति, ताहे सो लोगो भणई-एत्य अच्छंदओ नाम जाणंतओ,सिद्धत्यो भणति से ण किंचि जाणति, ताहे लोगो गंतु भणति-तुम ण किचि जाणसि, देवज्जतो जाणति, सो लोगमज्झे अप्पाणं ठाविउकामो भणति-एह जामो, जदि मज्झ जाणति, ताहे लोगेण परिवारितो एति, भगवतो पुरतो हितो, तणं गहाय भणति-कि एतं छिज्जिहिति ? जई भणिहिइ तो ण छिदिस्सं, अह भणिहिति णवि तो छिदिस्सामि। .. "एवं तस्स (अच्छंदगस्स) उड्डाहो जातो जहा तस्य कोऽवि भिक्खंपि ण देति, ताहे सो अप्पसागारियं आगतो भणति-- भगवं ! तुम्भे अण्णत्थवि जुज्जह, अहं कहिं जामि ? ताहे अचियत्तग्गहो त्ति काळण सामी निग्गतो।
७१ १. आवश्यकचूणि, पूर्वभाग, पृ० २८०,२८१ः
ततो सुरभिपुरं गतो, तत्थ गंगा उत्तरियविया, तत्थ सिद्धजत्तो णाम णाविमओ, खेमिलो नेमित्तियो, तत्थ य णावाए लोगो विलग्गति, तत्थ य कोसिएण महासउणेण वासितं, तत्थ सो नेमित्तिो वागरेति–जारिसं सउणेण भणियं तारिसं अम्हेहि मारणंतियं पावियव्वं, किं पुण इमस्स महरिसिस्स पभावेण मुच्चीहामो, सा य णावा पहाविता, 'सो संवद्दगवातं विउन्वित्ता णावं उब्बोलेतु इच्छति 'ततो सामीवि उत्तिन्नो ।
| SR No. | 010542 |
| Book Title | Shraman Mahavira |
| Original Sutra Author | N/A |
| Author | Dulahrajmuni |
| Publisher | Jain Vishva Bharati |
| Publication Year | |
| Total Pages | 389 |
| Language | Hindi |
| Classification | Book_Devnagari |
| File Size | 13 MB |