________________
NECESS AGARMEREST -ASEAN
गुणसंथवं काउमारद्वो, ते य सुट्ठयरं वढियपरिणामा उवट्ठिया पञ्चइउं, पवाविया य गणहारिणा, समप्पियाणि तेसिं देवयाए रयहरणाई, अह तेहिं पन्नरसतावससएहिं परियरिओ गंतुं पयत्तो, जाए य भोयणसमए गोयमसामिणा भणिया ते, जहा-भो देवाणुप्पिया! किं तुम्ह पियं भोयणं पणामिजउ ?, तेहिं भणियं-पायसोत्ति, तओ सवलद्धिसंपन्नो भयवं घयमहुसणाहरूस पायसस्स पडिग्गहं भरित्ता आगओ, अक्खीणमहाणसिलद्धिसामस्थेणी य सवे जहिच्छाए पजेमिया, तदुवरियसेसं च अप्पणा मुंजति, एवं विहं च अइसयं भगवओ पेच्छिऊण ते सुट्ठयरं । आणंदिया, नवरं सुक्कसवोलभक्खीणं पंचण्हवि तावससयाणं सुहज्झवसाणाओ केवलनाणमुप्पन्नं, कमेण थ तत्तो वचंता पत्ता चंपापुरि, तहिं च दिन्नस्स सपरिवारस्सवि भगवओ छत्ताइछत्तं पेच्छंतस्स, कोडिन्नस्सवि सामिणो | रूवर्दसणेण केवलमुष्पन्नं, एवं जायकेवलेहिं तेहिं पन्नरसहिवि सएहिं समेओ गोयमो भयवंतं पयाहिणीकरेइ, ते य पयाहिणावसाणे तित्थपणामं काऊण केवलिपरिसं पडुच गच्छंते पेच्छिऊण भणइ-भो किमेवं वच्चह?, एह सामि | वंदह, जयगुरुणा कहियं-मा केवलिणो आसाएहि, तओ सो मिच्छादुक्कडंति काऊण अप्पणो नाणाणुप्पाएणं अद्धिई कुणंतो वुत्तो सामिणा-भो देवाणुप्पिय! किं देवाणं वयणं गेज्झं? उयाहु जिणाणं?, गोअमो भणइ-जिणाणं, जयगुरुणा जंपियं-जइ एवं ता किं अद्धिई पकरेसि ?, जेण मए तं पुवंचिय भणिओ, जहा-अंते तुला भविस्सामोत्ति, जं पुण संपयं चिय तुह नाणं न उप्पजइ तत्थ इमं कारणं
RRC-RRC RAJ
A
GRAM
