________________
यमुवलभामि, ता किमिह कीरइ ?, अहवा किमणेण चिंतिएण ?, वच्चामि अट्ठावयं, जेण देवेहिं इममाइटुं जो किर ससत्तीए अट्ठावयमारोहइ सो तेणेव भवेण सिज्झइत्ति, एवं च चिंतयतस्सं तस्स अभिप्पायं अट्ठावयक डगवासितावसोवयारं च सुणिऊण भणियं जिणेण भो गोयम ! चेइयवंदणटुमट्ठावयसेलं वच्चसुत्ति, तओ भयवं गोअमो पहिटुहियओ पट्टिओ अट्ठावयं, तहिं च अट्ठावए तमेव सुरपवायं निसामिण पत्तेयं पत्तेयं पंचपंचतावस सय परि वारा कुँडिन्नदिन्नसेवालयनामाणो तिन्नि कुलवइगो जहक्कमचउत्थछट्टमपारणगदिणेसु सचित्त कंदमूलाइ परिसडियपंडुपत्तसुकसेवालभोइणो पढमवीयतइयमेहलासु समारूढा समाणा तक्खणं चिय तरुणतरणिभासुरोदारसरीरं गोयमसामीं तं पएसमणुपत्तं दहूण जंपंति - अहो किमेस पीवरसरीरो समणो आरुहिही जं अम्हे महातवस्त्रिणो तवकिसियसरीरा न तरामो आरुहिउं ?, एवं च तेसिं जंपंताणं भयवं गोअमो जंवाचारणलद्धीए ल्यातंतुरविकर - | मेत्तंपि निस्साए काऊण अविलंबियगईए समारूढो अट्ठावयं, अह तंमि चक्खुगोयरमइकंतंमि ते तिन्निवि कुलवहणो विहियमाणसा चिंतंति - जइ एस महप्पा इमिणा पहेण ओयरइ ता वयमेयस्स सिस्सा भवामोत्ति, गोअमसामीवि उस भाइजिणिदे वंदिऊण ईसाणदिसिविभागे असोगतरुतले मणिसिलापट्टए तं रयणीवाससुवगओ । एत्थ य पत्थावे बेसमणो नाम सकदिसापालो चेहयपूयाए पजंते गोअमसामीं वंदित्ता समीवे निसीयर, भयवंपि समणगुणे सवित्थरं कहइ, जहा - भयवंतो साहवो अंताहारा पंताहारा विचित्ततवकिसियदेहा हवंति इचाइ, बेस
