________________
सधे, एत्यंतरे एगेण मणुसेण पुच्छिओ सो परित्रायगो, जहा भयवं ! मयलंळणे इव जणनयणाणंदे मुत्ताकलावेव सहरिसहरिणच्छिसिहिण (हण्डि) संवासोचिए नंदणवणे इव विविहविलासजोग्गे जलहिंमि व लावण्णपुण्णे रसायलेच भुयंगसंगसमुचिए भग्गवम्महसोहग्गे किमेरिसंमि तारुण्णे अणुडियं तुमए पव्वज्जागहणंति ?, न खलु मुणालतंतुरजू परिखमइ मत्तसिंधुरखंधबंधणपरिक खेवं न यावि सहइ सहयारमंजरी जरढढेंकपरिकखेवचरण भारं नय पभवइ धाराकरालकरवालसिहुलेहलीलं कमलदलं, न सव्वहा तुह एरिसी सरीरसिरी काउमरिहर निहुरजणजोग्गं तवचरणंति, केवलं होयवमेत्थ पणइणीविरहेण वा धणभंगेण वा सयणविप्पियदंसणेण वा अण्णेण वा केणइ कारणेणं, वाढं कोऊहलं मे, साहेह सव्वहा जइ न दूरमकहणिजंति । परिव्वायगेण भणियं - भद्द ! तुम्हारिसाणवि किं किंपि अकहणिजमत्थि १, सुणसु जइ अत्थि कोऊहलं, अहं किर पुव्वं कोसंबीए नयरीए असंखदविणभावणं अणेगाणं दीणाण दुत्थियाण विदेसियाण भयंताण य सत्ताणं ताणदाणपरायणो आसि, अण्णया य रयणीए मे पसुत्तस्स सहसा समुच्छलिओ तुमुलो खो, तओ संभंतोऽहं समुट्ठिओ सयणीआओ जाव पेच्छामि आइडियनिसियखग्गे दढावव| परियरे चाचचक्ककुंतपमुहाउहहत्थे हण हणत्ति भणते धरणियलगयंपि सयं निहित्तमिव अत्यसंचयं गिण्हमाणे तहट्टियाउ चैव तुरंगमंदुराओ अप्पायत्ताओ करेमाणे संमुहद्वियं परियणं विविहप्पयारेहिं विदवेमाणे कंसं दोसं घरवखरं च अवहरेमाणे जमसुहडे इव कलिकालमित्ते इव पावपियामहे इंव भीसणे निक्किने भिलपुरिसे, ते य
