________________
तं मेहुन्न दुविहं सुदुमं थूलं च तत्थ सुहुमभिमं । कामोदएण ईसिं जमिंदियाणं विगारोति ॥ २ ॥ थूलं पुण संभोगो मणाइचेट्टा व भोगकामस्स । तं पुण दुविहं नेयं ओरालविउच्चएणं ॥ ३ ॥ ओरालियं तु दुहि माणुसतेरिच्छभेयओ होइ । वेउवं पुण दिवं माणुसपि य वयं तिविहं ॥ ४ ॥ परदारवजणं वा सदारतोसो य बंभचेरं वा । तत्थ य दिवतिरिक्खं मेहुन्नं पारदारं च ॥ ५ ॥ जो परिहर सुसो निचलचित्तो धम्मपविद्धो । सो तरिओ एसो निरईयारद्वया सम्मं ॥ ६ ॥ वजेइ इत्तरियपरिग्गहियागमणं अणंगकीडं च । परवीवाहकरणं कामे तिवाभिलासं च ॥ ७ ॥ किंच - असुइभूएसुं निंदिए पजंतदुहविवागेसु । कामेसु केsवि धन्ना निसग्गओ चिय विरजंति ॥ ८ ॥
अन्ने पुण उभडमयणवाणनिब्भिजमाणसावंगा । अगणियजुत्ता जुत्ता अविभावियनियतणुविणासा ॥ ९ ॥ पररमणी परिभोगलालसा मुक्कलजमज्जाया । तजम्मे चिय पावंति आवयं किं पुणन्नभवे ? ॥ १० ॥ जुम्मं । अवरे य तहाविहगुरूवएसओ जायनिम्मलविवेया । परजुवईणं संगं विवजमाणा पयत्तेण ॥ ११ ॥ तविरइमेत्तउच्चिय बहुतविसुद्धधम्मपडिबंधा । होंति सिवनयरनिलया सुरिंददत्तोव नरवसहा ॥ १२ ॥ जुरुमं । गोयमेण जंपियं-तइलोक्कदिवायर ! को एस सुरिंददत्तो ? कहं वा एयस्स गुरूवएसओ विवेयलाभो ? कहं च परदारविरश्मेत्तेणवि से निवाणसं पचित्ति ?, जयगुरुणा बागरियं-निसामेसु । इहेव भारहे वासे नीसेसवसुधराभोगभूसणं
