________________
STR
-
मेघस्थ
श्रीगुणचंद महावीरचा ८प्रस्ताव
दीक्षा पूर्वभवश्रा
वण
॥२८८॥
-
पडिकरिणो दढदसणग्गताडणुप्पन्नतित्ववेयणओ । मरिउ विझमि तुम पुणरवि जाओ गयाहिबई ॥५॥ वणदवपलोयणेण य जाई सरिऊण भयवसट्टेण । रुक्खे उक्खणिऊणं अवणित्ता तणपलालाई ॥६॥ करयलसमाई तिन्नि उ महापमाणाई थंडिलाई तए । सरियातीरे पकयाई निययगयजूहरक्खट्टा ॥ ७॥ जुम्म । अह अन्नया कयाई तरुवरसंघरिससंभवो जलणो । दहिउँ वणं पयट्टो पलयानलविन्भमो भीमो ॥ ८॥ तं पेच्छिऊण भीओ तुम पलाणो सथंडिलाभिमुहं । हरिहरिणससगसूयरपडिहत्ये थंडिले दुन्नि ॥९॥ लंघित्ता तइयंमि संपत्तो अच्छिउं समाढत्तो । चरणो य समुक्खित्तो कंडुयणकए तए तणुणो ॥ १० ॥ एत्थंतरंमि अन्नन्नसत्तसंपेल्लिओ ससो एगो । उक्खित्तचरणहेट्ठा ठिओ सजीयस्स रक्खट्ठा ॥ ११ ॥ तं दट्ठणं तुमए पयहेठियं पराए करणाए । आकुंचिऊण धरिओ नियचलणो गयणदेसंमि ॥ १२ ॥ अह वणदवोऽवि दहिउं सयलं अडविं महाविडविपुन्नं । उपसंतो ते य गया जहागयं ससगपमुहजिया ॥१३॥ ताहे छुहापिवासासंतत्तो तंपि सिग्घवेगेण । अमुणियकुटियसचलणो पधाविओ पाणियाभिमुहं ॥ १४ ॥ अह एगचलणवियलत्तणेण पडिओ तुमं गिरिवरोव । तण्हाछुहाकिलंतो कालगओ बहुकिलेसेण ॥ १५ ॥ तेण य ससगणुकंपणसमुवज्जियपुन्नपगरिसवसेण । लहुईकयसंसारो संपइ जाओसि रायसुओ ॥ १६ ॥ इय भो देवाणुप्पिय! तइया पसुणावि जइ तहा तुमए । ससगजियरक्खणेणं बाढं दुक्खाई सहियाई ॥१७॥
-
-
॥२८८॥
--
-
-
