________________
भारग्गसो य कुंभग्गसो य परिमलायडियफुलंधुयधूसरा पउमबुट्टी रयणवुट्टी य भविस्सर, चंदसूरदंसणष्पमुहजम्मजमहूसवं काऊण य अम्मापियरो दुवालसमे दिवसे संपत्ते जम्मदिणाणुरूवं महापउमोत्ति से नामं करिस्संति, अह | समुचियकाले अहिगयकलाकलावं तं सोहणंमि तिहिनक्खत्तमुद्दत्तंमि महया रायाभिसेएणं अभिसिंचिहिन्ति, तओ सो अक्ख लियपरकमो पयंडपयाव पडिहयपडिवक्खो अहमहमिगाए पणमंतनरिंदसंदोहमउलिमालाला लियचलणो महाराओ भविस्सर, तस्स य महापउमस्स विजयजत्तमुवद्वियस्स पुन्नभमाणिभद्दनामाणो दो देवा महडिया महापरकमा सेणाकम्मं करिस्संति, ते य राईसरसेणावइमंतिसामंतपमुहा पहाणजणा एवंविहं वइयरमुवलन्भ पहरियुस्ससियरोमकूपा महापउमस्स रण्णो गुणनिष्फण्णं देवसेणोत्ति दुइजं नामधेयं निम्मविस्संति, अण्णया य तस्स रण्णो सरयस सहरधवलं चउद्दतं सत्संगपट्ठियं लटुं हत्थिरयणमुप्पजिही, तम्मि य सो समारूढो एरावणपडिडिओव पुरंदरो उसोभेमाणो इओ तओ परिभमिस्सर, तयणंतरं पुणोऽवि ते राईसरादओ जणा नियपडुसिद्धिपलोयणुप्पन्नपमोय भरतरलिया तस्स राइणो विमलवाहणोति तइयं नामधेयं पट्टिस्संति । अह अन्नया कमाई तस्स रजभरमणुपालितस्स पुचभवन्भत्थतवस्सिजणविणासहीलणप्पमुहाणत्थपञ्चायकम्मदोसेण समण संघोवरि बाढं पओसो समुपजिही,
तो सो सधम्मकम्मुजवि एगे तवस्तिणो हणिही । अन्ने पुण बंधिस्स विविपयारेहिं बंधेहिं ॥ १ ॥
