________________
तंबोलपाडलुट्ठीय जाव चिट्ठति दप्पणं घेतुं । समुहं पलोयमाणा ताव लहुं आगओ भत्ता ॥ ६ ॥ दहूण तासि तारिस दुच्चिङ्कं तेण जायकोवेण । एगा महिला पहया तह जह सा पाविया मरणं ॥ ७ ॥ तयणंतरं च भयवसकंपिरदेहाहिं सेसमहिलाहिं । चिंतियमिमं जहेसा तह अम्हेवि हु विवज्जामो ॥ ८ ॥ तन्हा आर्यसेहिं पहणामो रक्खिएण किं इमिणा ? । इद्द चिंतिऊण समगं खित्ता तदभिमुहमायंसा ॥ ९ ॥
गुणपंचसयनारीसपमुकदप्पणेहिं पहओ समाणो सो मओ तक्खणेण, पच्छा समुप्पण्णो तासिं पच्छायावो - अहो का गई एतो पइमारियाणं भविस्सइ ?, उद्धूलिस्सइ लोओ दंडिस्सर नराहिवो अवमन्निस्सइ सयणवग्गो गंजिस्सर खलयणो, तम्हा मरणमेव संपयं पत्तकालंति परिभाविऊण पिहियाई सङ्घदाराई, पक्खित्तं गेहन्यंतरे बहुं तणकट्टपलाल, पज्जालिओ सबओ जलणो, जालाउले य तंमि विमुको ताहिं अप्पा, अह पच्छायावेण साणुकोसयाए ताए अकामनिजराए सचाओ मरिऊण मणस्सेसु उववन्ना, कम्मधम्मसंजोगेण य एगत्थ मिलिया एगूणपंचवि सया ते चोरा जाया, एगंमि य विसममि पचए परिवर्तति ।
सोय सुवण्णयारो मरिऊण तिरिच्छेसु उववन्नो, तत्थ जा सा अणेण पढमं चिय मारिया सा एगं भवं तिरिएस उववजिऊण पच्छा बंभणकुले पुत्तो जाओ, कमेण य पत्तो पंचवारिसियत्तणं, सो य सुवण्णयारो तिरियभवाओ उघट्टिऊण तंभि चेव बंभणकुले तन्मइणित्तेण दारिया जाया, सो य पंचवारिसिओ समाणो तीसे वालग्गाहो
