________________
मजारोऽवि हु ससिरंमि मूसगं ठवइ गाढपणएण । वणसेरिहोऽवि तुरयं रसणाए दढं परामुसइ ॥१८॥ इय जत्थ निविवेयावि पाणिणो तत्थ तियसनरनिवहा । उज्झंति मच्छरं जं परोप्परं तं किमच्छरिय? ॥१९॥ तइए पायारभंतरंमि देवाण विविहरूवाइं । विजयपडायापयडाइं संनिसीयंति जाणाई ॥२०॥
एत्यंतरंमि भुवणेकमाणुणा कलियसयलभावेण । वयणकिरणेहिँ मिच्छत्ततिमिरमवहरिउमारद्धं ॥ २१ ॥ | इओ य पत्वमेव जिणविहारनिवेयणवावारियपुरिसेहि सामिसमागमेण वद्धाविओ नंदिवद्धणनराहियो. हरिसभर
निस्सरंतरोमंचेण य तेण दवावियं तेसिं चिंतियाइरित्तं पारिओसियं, भणिओ य संनिहियकिंकरवग्गो-अरे! सिग्धर है। संजत्तेह जयकुंजरं पगुणीकरेह तुरंगघट्टाई पयट्टावेह नयरसोहं उन्भवेह सबविजयचिंधाई आइक्खह आघोसणा
पुवयं नयरीजणस्स जहा सिग्धं पाउब्भवह कयमजणविलेवणा नियविभवाणुरूवजाणजपाणारूढा नरिंदसगी ।
जेण वंदिजइ महावीरोत्ति भणिए जं देवो आणवेइत्ति पडिवजिऊण संपाडियं नरिंदसासणं, समुवणीओ जयकुंKजरो, समारूढो य नरिंदो, पुरजणेण परियरिओ पयट्टो भयवओ अभिमुहं, तो छत्ताइच्छत्ते पेच्छिऊण पमुक्करायचिंधो परेणं विणएणं जयगुरुं विन्नवेउं पवत्तो । कहं ?गयणंगणं व ससहरविवजियं नाह ! एत्तियं कालं । नयरमिमं तुह विरहे पणट्ठसोभं दढं जायं ॥१॥ अहमवि तुम्हऽणुवित्तीए नूण चत्तो न रायलच्छीए । अन्नह तुमए रहियस्स नाह! का जोग्गया मज्ज्ञ! ॥ २॥
-
-
-
