________________
-562
2 एत्यंतरे तिपयाहिणीकाऊण नमंतसिरिमउडमाणिक्ककिरणविच्छुरियपायपीढा सुरासुरिंदा पणमिऊण जिणं निय
नियठाणेसु निसन्ना, अह सहस्सनयणेण निसिद्धमि कोलाहले निम्मलदसणमऊहजालपक्खालियाए इव निम्मलाए । एगाएवि अणेगजणसंसयबुच्छेयसमत्थाए सुरनरसवरतिरियसाहारणाए सजलजलहरनिग्धोसगंभीराए आजोअणमि
खेत्तपडिप्फलणपचलाए अमयबुढीए इव निववियअसेसमवसत्तसंतावाए वाणीए पवत्तो जिणनाहो धम्मदेसणं 18 काउं। कहं ?
जह पाणवहाइसमुत्थपावनिवहेण भारिया जीवा । अयगोलगव भवसायरंमि मजंति वेगेण ॥ १॥ जह नाणदंसणचरित्तसेवणाहिं लहुं विसुज्झति । पार्वति य सोक्खपरंपराउ सग्गापवग्गेसु ॥ २॥ जह मिच्छत्तच्छाइयविवेयनयणा मुणति न कयावि । नीसेसदोसरहियं देवं सुगुरुं च धम्मपरं (यं)॥३॥ जह गिहकज्जासत्ता अवितत्ता कामभोगसोक्खेहिं । मणुअत्तं लछपि हु मुद्धा थोवेण हारंति ॥ ४॥ जह तप्पमायपरयाए भूरिसो ताणसरणपरिहीणा । पावंति दहणभेयणपमुहाई दुहाई नरएसु ॥५॥ जह पंचमहत्वयकवयगूढदेहा दलंति लीलाए । अभितरारिवग्गं अजेयममरासुरेहिपि ॥६॥
जह सत्मित्तमणिलेढुसोक्खदुक्खेसु तुल्लचित्ताण । अमराहिंतोऽवि सुहं पाउब्भूएइ बहुययरं ॥ ७॥ ४३ महा.
तह जयगुरुणा नरतिरियदेवजणसंकुलाए परिसाए । हरिसभरनिन्भराए धम्मो सिट्ठो जयवरिट्ठो ॥ ८॥
