________________
झडत्ति आसणाओ, नीणिया परमायरेण भिक्खा, भयवपि निग्गओ गेहाओ, सुनंदावि अहिं काउग़ारद्धा, ताहे । | दासीहिं भणियं - सामिणि! एस देवजओ न मुणिजइ केणइ कारणेणं दिने दिने अगहियभिक्खो तक्खणे पडिनियत्तइ, एवं भणिए तीए नायं, जहां नूणं कोई अभिग्गहविसेसो, तेण तंमि असंपजमाणे अकयकज्जो चैव निज्जाइ जिनिँदो, इमं च से चिंतयंतीए जाओ वाढं चित्तसंतावो पम्हुट्ठा गेहवावारा विसुमरिओ सरीरसिंगारो पल्हत्थियं करकिसलए गंडवलं, एत्थंतरे समागओ सुगुत्तामचो, पलोइया य एसा तेण, तओ पुच्छिया, जहा -कमलमुहि! कीस निकारणं रणरणयसुबहंतिध लक्खिजसि ?, न ताव सुमरेमि मणापि अत्तणो अवराह, मह अविणयपरि हारपरायणे परयणोऽवि न संभाविजर तुह पडिकूलकारित्ति, तीए भणियं - पाणनाह ! अलमलियसंभावणाहिं, नत्थि थेवमेत्तोऽवि कस्सर अवराहो, केवलं जस्सप्पभावेण लीलाए लेधिजइ दुग्गमोवि भवन्नवो मणोरहागोयरंपि पाविज्जइ अपुणागमं सिवपयं अइदूरुलसिओवि विद्दविजाइ अकल्लाणकोसो तस्स भयवओ भुवणनाहस्स वद्धमाणसामिणो बहूई वासराई अणसियस्स, न मुणिजइ कोइ अभिग्गहविसेसो अणेण गहिओत्ति, अओ किं तुम्ह बुद्धीविभवेण ? किंवा अमचत्तणेणं ? जइ एवं अभिग्गहं न जाणहत्ति, अमचेण भणियं-पिए ! परिचयसु संतावं, कले तहा करेमि जहा एस अभिग्गहो मुणिजह, इय एयाए कहाए बट्टमाणीए विजया नाम पडिहारी मिगावईए देवीए संतिया, सा केणइ कारणेण आगया, तमुलावं सोऊण मिगावईए सवं परिकहेइ, इमं च सोचा विगाईवि
