________________
अप्पं सुसमणं वा निस्साए काऊण इहागओ हविजा, ता वाढं अजुत्तं परभवदुहावहं एवमावडिहित्तिचिंतिऊण पउत्तो ओही, दिट्ठो य भयवओ पायपंकयमणुसरमाणो कुंथुव सुहुमदेहो चमरासुरिंदो, तं च दहृण सहसचिय जायचित्तचमक्कारो हाहा हओ म्हि मंदभग्गोत्ति वाहरमाणो अचंतसिग्घाए गईए वजमग्गेण पहाविओ पुरंदरो, जाव य जिणुत्तमंगंमि चउरंगुलमपत्तं जायं वजं ताव तक्खणमेव पडिसंहरियमणेण, नवरं अइसिग्धगमणवसेण करयलसमीरणेण तरलिया जयगुरुणो कुंचिरा अग्गकेसा, तओ पुणो पुणो सदुचरियं निंदमाणेण तिपयाहिणी-II काऊण वंदिओ सामी परमभत्तीए, खामिउमारद्धो यदेव! पसीयह न मए वियाणियं तुम्ह चरणनिस्साए । जं एसो चमरिंदो समागओ मं पराभविउं ॥१॥ इहि चिय विनायं करयलपल्हथियंमि कुलिसंमि । ता पणयवच्छल ! लहुं अवराहमिमं खमसु मज्झ ॥२॥ न पुणोवि भुवणबंधव! संसारपरंपरापरमवीयं । एवंविहं अकिचं कइयावि अहं करिस्सामि ॥३॥ इति सविणयं खामिऊण जयगुरुं सक्को उत्तरपुरच्छिमदिसिविभागंमि ठाऊण वामेण चरणेण तिखुत्तो भूमि तलमवदालिऊण दणुनाहं भणिउं पवत्तो-भो भो असुराहिव! सुंदरं तुमए कयं जमसेसजयजंतुसंरक्खणेकदिक्खि 18 यस्स पहुणो पयपंकयंतरे तिरोहिओऽसि, एवं च कुणमाणेण तए दढमावज्जियं मम हिययं, अवणीओ पुचवेरा-1 णुवंधो, जणिओ आमरणतं अबभिचरियपणयभावो, ता विहरसु जहिच्छाए, भगवओ पहावेण नत्थि तुह ममा
