________________
णमणिलेकंचणो समसुहदुक्खो इहलोयपरलोय अप्पडिवद्धो जीवियमरणेसु निश्वकंखी पुवज्जियकम्मसंघ निग्वायगट्ठाए अन्भुट्टिओ विहरह । किं च
यं महाणुभावं नियधीरिमतुलियतिहुयणजणोहं । नो धम्मज्झाणाओ खमंति संखोहिउं केई ॥ १ ॥ देविंदा तिसा वा क्खा रक्खा व खयरवग्गा वा । भूया महोरगा वा अणप्पमाहप्पजुतावि ॥ २ ॥ अव चालिज मेरू पल्हत्थिज्जइ महीवि पायाले । ससिसूरविमाणाणिवि वलिणा केगवि दलिजति ॥ ३ ॥ अवि सोसिज्जंति महण्णवावि बहुमीणमगरभीमावि । न य भगवं चालिज झाणाओ तिहुयणेणावि ॥ ४ ॥ सोचा जायपथंड कोदो भीमभिउडिहो । दोसाण संगमो इव संगमओ नाम गिवाणो ॥ ५ ॥ सुरवइसमाणविभवो तक्काल विमुकलज्जमज्जाओ । ववगयविवेयभावो सया अभवो भइ सकं ॥ ६ ॥ सामि ! किमेवं भण्णह निग्गुणमवि समणयं सुरसहाए । अहवा सच्छंदाविथ सोहति पहूण उलावा ॥ ७ ॥ सचं चि सुविसुद्धा जइ होज इमस्स कावि चंगिमया । गिहपालणं विमोचुं ता किं पाखंड मंडेजा ? ॥ ८ ॥ गिहवासाओवि न धम्मकम्ममन्नं वयंति किर कुसला । कीवत्तणेण चत्ते य तंमि किं संसणिजमिह ? ॥ ९ ॥ वागरियं जं च तए झाणाओ एस सुरवरेर्हिपि । नो तीरह चालेउं तंपि न वोतुं खमं तुज्झ ॥ १० ॥ 'जे लीलाए चिय पाणिपल्लवे संठवंति भूवीढं । गुरुसिहरमरकं तं गोलं व तुलेति मेरुंपि ॥ ॥ ११ ॥
1
新
