________________
5-05-4-29-06-0940820209002068
एरिसदुरज्झवसायस्स कारणं जाओ?, रयणावलीए चिरं निस्ससिऊण भणियं-दुक्कियकम्माई, कुमारेण भणियं-तहावि विसेसेण साहेसु, जइ एवं ता सुरसेणकुमारस्स महासेणतणयस्स विरहोत्ति, तो पञ्चभिन्नाया कुमारे, भणिया य-जइ एवं ता पजत्तं एत्तो दुरज्झवसाणेणंति वुत्ते जायपचभिन्नाणा लज्जावसनिमिलंतलोयणा तुहिक ठिया रयणावली, मुणियपरमत्याए 'सागयं सागयं चिरागयकुमारस्स'त्ति जंपियं धावीए, निवेइओ नरिंदस्सागमणवृत्तंतो य । एत्यंतरे विन्नत्तं विजाहरेण-कुमार! पडिपुन्नमणोरहा तुम्भे, ता अणुजाणह ममं सट्ठाणगमणाय संग अह तविओगकायरमणेण कहकहवि विसजिओ सो कुमारेण, गयमेत्तेण य तेण पडिवन्ना भावसारं चारणयुणिस-पास मीवे पवजा ।कुमारोऽवि रयणावलीए समेओ गओ खंधावारं, मिलिओ राइणो, सिट्ठो नियवुत्तंतो, जायं वद्धावणयं, मको सम्माणिऊण सो पलिंदगो, पडिनियत्तो य राया सनयराभिमुहं, पत्तो य कालकमेणं, समप्पिओ कुमारस सुंदरो पासाओ, तत्थ ठिओ य गमेइ वासरे विविहकीलाहिं । अन्नया य सो पंचत्तमुवागओ महसेणराया, कयाई कुमारेण मयगकिच्चाई, पडिवण्णं च रजं, परिवालेइ रायनीतीए पुहई । अन्नया य सो कणयचूडो सुमुणियमुणिधन्यो । अहिगयसुत्तत्थो विहरमाणो समागओ बाहिरुजाणे, विनायतदागमणो वंदणत्थमागओ सुरसेणनरिंदो, बंदियो। अणेण परमभत्तीए, दिन्नासीसो य निविट्ठी गुरुपायमूले, कहिओ साहुणा जिणप्पणीयधम्मो, पडिबुद्धा बहले से पाणिणो, धम्मकहावसाणे य मुणिणा पुच्छिओ राया-सम्मं निवहंति चिरगहिया मजमंसनिसिभोयणवेरमणरूवा
