________________
एवं च अवलोऊण जायपरमविम्हओ नावाजणी चिंतेइ - अहो कोइ एस महापुरिसो माणुसवेसोवि अमाणुसाणुरुवप्पभावो, जओ एयप्पभावाओ अम्हे समुत्तिन्ना आवयामहन्नवाओ, ता जुज्जइ एस महप्पा पणमिति विभाविऊण निवडिओ तिहुयणगुरुणो चलणकमलंमि, कंबलसंवलाचि जिणं पणमिऊण गया जहागयं ।
अह के पुण कंवलसंबला पुत्रभवे हुंतत्ति सुणेह मूलुप्पत्तिं - अस्थि सयलमहियलविक्खाया समुत्तुंग पसत्यसुपास| तित्थयरथूभसोहिया महुरा नाम नयरी, तत्थ य अहिगयजीवाजीववियारो नियमुद्धबुद्धिपगरिसोवलद्धपुन्नपाचो आसवसंवर मोक्खतत्तवियारवियक्खणो पंचाणुवयाइसावगधम्मपरिपालणबद्धलक्खो जिनिंदसमयाणुरागरंजियहियओ आगरो पसमाइगुणरयणाणं निवासद्वाणं गंभीरिमाए संकेयभूमी करुणाए बलहो धम्मियजणाणं बहुमओ नरवइस्स सवत्थ पावियसाहुवाओ जिणदासो नाम सावओ, साहुदासी नामेण से भारिया, ताणि य दोन्निवि अनंत| धम्मकरणलालसाई अणवरयगुरुवएसपालणपरायणाई फासुयएसपिएहिं असणपाणखाइमसाइमेहिं सुणिजणं पडिला भेमाणाई कालं बोलेति । अन्नं च
1
संसारावत्तविचिन्तणत्थ (प) भीयाई जइवि अचत्थं । जइवि य गिहवाससमुत्थदोस परिसंकिय मणाई ॥ १ ॥ aag गिमि अन्नोन्नगाढपेमाणुवंधभावेणं । समणत्तणं पवजिउकामाईवि ताई निवसति ॥ २ ॥ तेहिय अन्नया सुगुरुपायमूले सुणिऊण तिरिया असंजयपाणिपरिग्गहतिवपावोवलेवासमंजस्तं गहियं गोमहि
