________________
मनामध्यममा
एत्तो विरत्तचित्ता कुडिलत्तणवजिया मियाभासी । जे ते अवजसपंकेण नेव छिप्पंति कइयानि ॥ ८ ॥ पडिबुद्धकमलपरिमलसममुहनिस्साससुरहियदियंता । पूइजंति जणेण य आएजगिरा य जायंति ॥ ९ ॥ जो परधणं विलुंपइ सो झंपइ सुगइगिहकवाडाई । निविडाई कम्मनिगडाई कुणइ तुच्छेहियसुहत्थं ॥ १० ॥ एत्तो चिय दोगचं पइजम्मं उवचिणेइ मूढप्पा । सुयदइयाविरहुन्भवदुहं च पावेइ दुविसहं ॥ ११॥ जे पुण संतोसपरा तर्णपि गिण्हंति नेव य अदिन्नं । ते देवाणवि पुजा हवंति किं पुण मणुस्साणं? ॥ १३ ॥ वहुंति धणविलासा निवडंति न आवयाउ कइयावि । पुजंति य निविग्धं मणोरहा तेसि नीसेसा ॥ १३ ॥ जे अणिगिहियप्पाणो इहभवसुहलेसमेत्तपडिबद्धा । दासब कामलुद्धा मुद्धा जुवईण वटुंति ॥ १४ ॥ नरवइसेवणसंगामकरणपमुहाई विविहवसणाई । मेहुणसन्नाभिरया असइंपि लहंति ते पुरिसा ॥ १५ ॥ कामविवरंमुहा पुण नरसुरजणपूयणिज्जकमकमला । देहुभवमविणस्सरपरमाणंदं सइ चरंति ॥ १६ ॥ पडिपुण्णबभपालणपवित्तगत्ताण पुरिससीहाण । सुमरणमेत्तेणं चिय विज्जा मंता य सिझंति ॥ १७ ॥ जे न परिग्गहविरई कुणंति पावेसु संपयटुंति । बंधति कोसियारोव अप्पयं ते सकिरियाए ॥१८॥ पइदियहलाभवसवड्डमाणगुरुलोभदूमियसरीरा । सवत्थ ममत्तपरिग्गहेण सुचिरं किलिस्संति ॥ १९ ॥ अपरिगहा उण नरा ससरीरेऽविहु ममत्तपडिबंध । न कुणंति वत्थपत्ताइएसु सेसेसु का गणणा ? ॥ २० ॥
