________________
निदाघुम्मिरनयणावि सजणा जं वयंति किर वयणं । नियजीवियवएणवि तं तह अहियं समत्यंति ॥ ६ ॥ मिच्छाकारिं मिच्छा व भासिणं मं धुवं सुणेऊण । कञ्चाइणीवि देवी लज्जह किं पुण परो लोगो ? ॥ ७ ॥ ता - गोमद ! परिचय एत्थ मम संतियं अविस्सासं । अन्नं मग्गेसु वरं मा कीरउ मे पणयभंगो ॥ ८ ॥ एयमायन्निऊण गोभद्देण भणियं - जइ एवं ता परिहरेसु परमहिलापसंगं, एसो हि कारणं वेरपरंपराए कुलशवर्ण अणत्थसत्याणं वत्तणी नरयनगरस्स बंधवो दुधिणयस्स ठाणं परिभवस्स आगरो अकित्तीए मसिकुच्चओ निरकुलस्स निलओ पावपडलस्स मूलंकसो गुणकलावस्स जणगो उत्तरोत्तराधम्मपरिणईए, एत्तोचिय भुयणपथडानि । वेरिभुयदंडकंडचंडिमखंडणेक्कसुंडावि असेसविज्जाइसयसालिणोऽवि पाविया लंकाहिवइपभिहणो विणासं, एत्तो थिय अविगणियतणनिधि से सनियजीवियवा अमुणियजुत्ताजुत्तकायवा तिक्खदुक्खलक्खपि अभिकखंति पाणिणोचि, ता मूसगोव मज्जारस्स घयकुंभोव हुयवहस्स पर्यगोव पईवस्स सारंगो इव पंचाणणस्स सुहाभिलासी दूरमवकमह कुसको परदारस्सत्ति निसामिऊण समुप्पण्णगाढपच्छायाचो वेरग्गमग्गाणुलग्गचित्तो विजासिद्धो भणिउमाढतो - गोवह । साहु समुबइ साहु समुवइटुं समुद्धरिओऽहं तुमए अपारपावपारावाराओ, होउ संपयं सदारपरिभोगं मोचूणाऽऽयरतं निवित्ती मम सेसमहिलापसंगस्सत्ति, गोभद्देण भणियं -अज ! जाओ इयाणिं मम वंछियत्थलाभो, एतो सुमरिजासि मं सुहिसयणाइकहंत रेसुति । एवं वुत्ते विजासिद्धो जोडियपाणिपल्लवो पणामं काऊण संसिं सिणेहवस
