________________
dadHEESEDERABADESH
विणयपणमंतमत्थयगलंतमंदारसुरहिकुसुमभरा । तत्थाहिं गिराहिं जिणं थोउं एवं समारद्धा ॥६॥ जयसि तुमं मयरद्धयसिंधुरखरनहरदारुणमइंद! । चलणग्गचालियाचलसंखोभियसधरधरणियल! ॥ ७॥ नियकज्जपरंमुहभुवणरक्षणक्खणिय ! परमकारुणिय। नायकुलकमलवणसंडचंडमायंड! तुज्झ नमो ॥८॥ जह लोयालोयगर्यपि नाह! तं मुणसि वत्थुपरमत्थं । तह किं कयाइ जाणइ मंदमई मारिसो लोओ? ॥९॥ अहवा हेलुल्लासियकरपसरनिरुद्धतिमिरनियरस्स । सूरस्स पुरो खजोयगाण का होइ देहपहा ? ॥ १० ॥ तहवि य निययाहिगारं नाह! कलिऊण नूणमम्हहिं । सुमरणमेत्तनिमित्तेण तुह इमं सीसए किंपि (सामी)॥१९॥ पवजं पडिवजसु भवरुयसंतत्तगत्तसत्ताणं । तित्थंकर! तित्थमणत्थमंथणं लहु पयद्देसु ॥ १२ ॥ अइमूढकुतित्थियदुट्ठदेसणातिमिरनियरअंतरियं । पयडेसु मोक्खमग्गं निरुवमनाणप्पईवेण ॥ १३ ॥ अइभूरिविचित्ताइसयरयणकारुन्नवारिभरियाओ । वयणामयं पगिण्हउ लोओ तुह सायराउव ॥ १४ ॥ निस्सामन्नं सामनभावमायन्निऊण सयलजणो। रोमंचकंचुइल्लो आकप्पं तुह कह कहउ ॥ १५ ॥ इय सविणयदेवगणोवइट्टकायचदुगुणिउल्लासो । जाओ जएकचक्खू सविसेसं मोक्खसोक्खमई ॥ १६ ॥ एवं च विनविऊण सहाणं गएमु लोगतियतियसेसु उठ्ठिऊण भयवं सीहासणाओ पासवत्तिणा परियणे अणुगम्ममाणो गओ नंदिवद्धणपमुहाणं नायखत्तियाणं समीवे, तेऽवि जिणमितं दहण सत्तट्ट पयाइं गया सम्मुई, कया
