________________
-
925
AMEERAISEDIA
भणियं-एवमेयं, न सम्म उवलब्भेमि कारणं, तेहिं बुत्तं-जइ एवं ता करेह सच्चं सुविणगं, जहा दिवटिईए सघसामरिंग काऊण गच्छह उज्जाणं, को दोसो ?, न मुणिज्जइ कोऽवि परमत्थो, एवंपि कीरमाणे कयावि गुणो होजा, साभिप्पाओ य किंपि एस डोलंतछत्तधरणविजयचिंधलाभोत्ति वुत्ते राइणा पडिवजिऊण तेसिं वयणं ताडाविया । सन्नाहभेरी, तीए सहायन्नणेण तक्खणादेव कयसवसंनाहो नरवइसमीवमुवगओ सामंतवग्गो परिचत्तसेसवाबारो। पुरो ठिओ जोहसमूहो, पासमल्लीणा करितुरयाइणो, तो चाउरंगबलकलिओ पहाणहत्यिकंधराधिरूढो नयरदूरब- त्तिणं गओ नंदणुजाणं, तत्थ य रयणिदिट्ठसुमिणभीसणत्तणं चिंतेतस्स तक्खणफुरियवामनयणपिसुणियानिहषडणस्स किंपि अरइविगारमणुसालीणस्स बज्झवित्तीए काणणमणुपेच्छंतस्स नरिंदस्स सञ्चिय पुवदिणपेसियचारपुरिससू।। इयपत्थावो चिरपरूढवेरसाहणगाढामरिसो अमुणियतदिवसनरवइवइयरो जुज्झसजो पचंतसामंतो दुजोहणाधिहाणो पहुत्तो उजाणसमीवं, दिन्नो परिवेढो, जाओ हलबोलो, लक्खियतदागमणो य निग्गओ उजाणबाहिं नरिंदो, दिट्ठो य पडिरिउणा संगामसज्जो राया, तो किं वियाणियं ममागमणमणेणंति खुभियचित्तेणवि दुजोहणेण पारद । रना सह पहरिउं । अहनिसियखग्गकप्पियपयंडं नरमुंडमंडियाभोगं । दट्ठोढवद्धमोग्गरनिप्पिटुक्किद्वरहनिवहं ॥ १॥ कुंतग्गभिन्नकुंजरकुंभत्थलगलियमोत्तियसमूहं । तत्कालमिलियवेयालकिलिकिलारावभयजणगं ॥ २॥
