________________
मंगलं स
शिप्तवृत्त
दसियसमग्गसग्गापवग्गमग्गाण गोयभाईणं । गुणवंताण गुरुणं थुगामि पयपंकयं निचं ॥९॥ इय संथवणिजप्पयपणाममाहप्पनिदलियविग्यो । भवाण सोक्खमूलं धम्मुवएस पयंपेमि ॥ १० ॥ जलहिजलगलियरयणं व दुलहं पाविऊण मणुयत्तं । पुरिसत्थजणकज्जे उजमियवं वुहजणेणं ॥ ११ ॥ तत्थ पुरिसत्थमत्थयचूडामणिविन्भमो परं धम्मो । सो पुण पइदिणसवरियसवणो हवइ भवाणं ॥ १२ ॥ तस्स य धम्मस्स जिणो पणायगो संपयं महावीरो। चरियपि उ तस्सेव य सुणिजमाणं तो जुत्तं ॥ १३॥
तं पुण निस्सेसागमसमुद्दसवणासमत्थसत्ताणं । निउणेणावि न गुरुणा समग्गमवि तीरए वोत्तुं ॥ १४ ॥ I ताजह भुवणेकगुरू निप्पडिमपभावधरियधम्मधुरो । मिच्छत्ततिमिरमुसुमूरणेकमिहिरो महावीरो ॥ १५॥ अचंतमणंतमणोरपारभववारिरासिमणवरयं । पुर्व परियद्विय तिरियतियसपुरिसाइभावेणं ॥ १६ ॥ ओसष्पिणी इमीए पढमं चिय गामचिंतगभवंमि । नीसेससोक्खमूलं सम्मत्तमणुत्तमं पत्तो ॥ १७॥ तत्तो पाविय देवत्तमुत्तमं भरहचकवहिस्स । मिरिइत्ति सुओ होउं काउं जिणदेसियं दिक्खं ॥ १८ ॥ दुस्सहपरिसहनिम्महियमाणसो पयडिउं तिदंडिवयं । मिच्छत्तविलुत्तमई कविलस्स कुदेसणं काउं ॥ १९॥ तहोसेणं अयराण वहिउं कोडकोडिसंसारं । छब्भवगहणे पुणरवि पारिवजं पवजित्ता ॥ २० ॥ दीहं संसारं हिंडिऊण रायग्गिहमि रायसुओ । होऊण विस्समूई घोरं संजममणुचरित्ता ॥२१॥
