________________
याASIANRAISINDIANTERASEANISASHANTIST
तिवाणुबंधो विसयपडिबंधो सवणमेत्ता विसेसधम्मवत्ता, तम्हा जहाभद्दगत्तमेव एयस्स इण्हिमुचियंति चिंतिक वुत्तो सो-महाराय ! जइ एवं ता पजुवासेज्ज सुसाहुणो पसंसेजसु जिणधम्मं अणुमोएजसु तप्पडिवो भवजणे, एत्तियमेत्तेणवि होही दढकम्मविगमो, एवंति पडिवजिऊण गओ राया सट्टाणंमि। निप्पचवायमउले भोगे भुंजेति पंचरूवेवि । सवत्थ जायकित्ती नरविक्कमनरवई ताहे ॥१॥ सूरीवि धम्ममग्गे आरोविय भूरि भवपाणिगणे । सीसगणसंपरिवुडो नयराउ विहरिओ बाहिं ॥ २॥ पडिबोहतो सूरोव भवकमलाई वयणकिरणेहिं । कालक्कमेण पत्तो जयंतिनयरिं विहारेण ॥ ३ ॥ उग्गहमणुजाणाविय नयरीए बाहिं चंपगुजाणे । सद्धम्मकम्मउजुयजइजणसहिओ ठिओ भयवं ॥४॥ जाया पुरे पसिद्धी सिद्धतविसारओ जहा सूरी । इह आगउत्ति ताहे वंदणवडियाए नयरिजणो॥५॥ अंतेउरेण सहिओ हरिकरिरहजोहवूहपरिकिण्णो । नरसिंहभूमिनाहोवि आगओ सूरिपासंमि ॥ ६ ॥ सायरमह विणमंतुत्तिमंगमणिमउडलीढपयपीढं। पणमिय मुणिजणसहियं गुरुमुवविट्ठो धरणिवढे ॥ ७॥ संसारासारयागभा, तओ सद्धम्मदेसणा । गुरुणा काउमाढत्ता, मोहविद्धंसकारिणी ॥ ८॥ जहा-वलयासिंधुनिम्मग्गवडवीयं व दुल्लहं । को माणुसत्तं संपप्प, पमाएज वियक्खणो? ॥९॥ खणोऽवि नाउकम्मस्स, जाइ जेणाविणस्सरो । तेणेस मुच्छिओ लोओ, निरुधिग्गो कहं भवे ? ॥ १० ॥
R
AGGED:
