________________
MOR
E ZZRELATIMALAIMISTAKESTRANGEELESE
मंसस्स विरुद्ध किर लोहं एयपि तत्थ विवरीयं । जं नाराया खित्तावि तस्स बाहिपि न छिवंति ॥४॥ इय सो नियगाढवलावलेवओ तिहुयणं जरतणं व । मन्नंतो भमइ पुरे निरंकुसो मत्तहत्थिव्व ॥ ५॥
अन्नया य तस्स पसिद्धिमसहमाणा समागया देसंतराओ मल्ला, दिट्ठो तेहिं राया, साहियं आगमणपओयणं, समाहूओ य रण्णा कालमेहगलो, निवेइओ से तव्वइयरो, अब्भुवगयं तेण तेहिं समं जुझं, सज्जीहूया दोवि पक्खा, कओ अक्खाडओ, विरइया उभयपासेसु संचा, निविट्ठो अवलोयणकोऊहलेण नीसेसअंतेउरसमेओ नरवई पुरणहाणपुरिसवग्गो य, समाढत्वं च भुयाहि य अड्डपायइयाहिं च बंधेहि य विसमकरणपओगेहिं मलेहिं सह तेण जुझिउं, खणंतरेण य दढमुट्टिप्पहारेहिं निहया कालमेहेण देसंतरागया मल्ला, को लोगेण जयजयसद्दो, दिन्नं से नरिदेण विजयपत्तं, सम्माणिजो विचित्तवत्थामरणेहि, गओ नियनियट्ठाणेसु नयरजणो, रायावि अंतेउरपरियरिओ संपत्तो नियमंदिरं, बीयदिवसे य सव्वालंकारविभूसिया काऊण देवीए पउमावईए पेसिया सीलवई कण्णगा 5 पिउणो पायवडणत्थं, चेडीचक्कवालपरिवुडा य सा पत्ता नरिंदसगासे, निवडिया चरणेषु, निवेसिया रण्णा उच्छंगे, पुच्छिया य-पुत्ति ! केण कारणेण आगयाऽसि ?, तीए भणियं-ताय! तुम्ह पायपडणनिमित्तं अम्मगाय पेसियम्हि, | राइणा चिंतियं-अहो वरजोगत्ति कलिऊणं नृणं देवीए पेसिया, ता किमियाणिं काय ?--
एक चिय मह तणया परूढपणयाएँ अग्गमहिसीए । एसा वरस्स जोग्गा को पुण एयाएँ होज वरो १ ॥१॥
NILONTHUPINNERHIRIDIONRELESETTE
