________________
इयाणिं चैव पसूया देवी चंपयमाला, जाओ य समुज्जोतियसयलदिसामंडलो तेयरासिव पुत्तोत्ति, इमं च सोचा नरिंदेण दिन्नं तासिं भूरि पारिओसियं, कओ दासितविगमो, आहूया पहाणपुरिसा, समादिट्ठा य जहा पयट्टेह नीसेसनयरीए तियचउक्कचचरेस खंदमुकुंदसूरिंदगय मुहमंदिरेसु य परममहूसवं, वियरह अणिवारियपसरं कणयदाणं सुयह चारगाहिंतो जणंति बुत्ते जं देवो आणवेइत्ति भणिऊण पुरीए पारद्धं तेहिं वद्धावणयं ।
कहं चिय?, - पंचप्पयारवन्नयविरइयसुपसत्यस त्थियसमूहं । विक्खित्तक्खयदोवापवालसोहंतमहिवीढं ॥ १ ॥ रहसपणचिरतरुणिगणवच्छत्थलतुट्टहार सिरिनियरं । अन्नोन्नावहरियपुण्णपत्रावर्द्धतहलबोलं ॥ २ ॥ पडिभवणदारविरइयवंदणमालासहस्सरमणिज्जं । कमलपिहाणामलपुन्नकलसरेहंतगेहमुहं ॥ ३ ॥ वज्रंताउज्ज समुच्छलंत घणघोरघोस भरियदिसं । चिन्ताइरित्तदिजंतदविणसंतोसियत्थिगणं ॥ ४ ॥ इयनीसे सजणं कुलथेरीकीरमाणमंगलं । इय नरवइकयतोसं वद्धावणयं कथं तत्थ ॥ ५ ॥ एत्यंतरे मंतिसामंतसेणावइसत्थवाहपमुहा पहाणलोया गहियविविहतुरयरयणसंदणपभोक्खविसिह्वत्थुबित्थरा गंचूण नरवई वद्धाविंसु ?
इओ सो घोरसिवो विजाहरेहिं नेऊण समप्पिओ जयसेहरस्स कुमारस्स, तेणावि पिउणोव गुरुणोच तदागमणे कंओ परममहूसवो, पुट्ठो य एसो पढमदंसणाओ आरम्भ सवबुत्तंतं, धरिओ व्हाणविलेवणभोयण दिवंसुयदाणपुरस्सरं
