________________
ता नरसेहर! नरसिंघ जं तए पुच्छियं पुरा आसि । किं अप्पाणं निंदसि इणमो नणु कारणं तत्थ ॥१॥ भयवसविसंडुलंगा सारंगा इव विचित्तकूडेहिं । जं सत्ता विदविया तमियाणिं दहइ मह हिययं ॥२॥ दुज्झाणकलुसबुद्धित्तणेण पुर्व न याणियं एयं । तुह दंसणेण इण्हिं विवेयरयणं समुल्लसियं ॥३॥ नरसिंहणं भणियं सचं पावं कयं तए भूरि । कीडियाणवि वहे पावं गुरु किमु नरिंदाणं ?, ॥४॥ तेसि विणासे जम्हा धम्मभंसो य सीमविगमो य । अवरोप्परं च जुझं विलयाजणसीलविलओ य ॥ ५ ॥ ता ठाणे तुह दुचरियगरिहणं धम्मगोयरा बुद्धी । एवं ठिएऽवि जलणप्पवेसणं तुज्झ नो जुत्तं ॥ ६ ॥ तित्थेसु वच्च कुरु देवपूयणं मुंच निंदियं भावं । पायच्छित्तं पडिवज्ज सुगुरुसयासे पयत्तेण ॥ ७ ॥ निंदसु पइक्खणं दुक्कयाई निसुणेसु धम्मसत्त्याई । उत्तमसंसरिंग कुणसु चयसु तिवं कसायं च ॥ ४ ॥ ईसाविसायमुच्छिंद मिंद विसमविसयतरुनियरं । नियजीयनिविसेसं नीसेसं पेच्छ पाणिगणं ॥ ९ ॥ पसमरसं पिबसु सया दूरं परिहरसु खुद्दचरियाई । जुत्ताजुत्त वियारसु सबकज्जेसु जत्तेणं ॥ १० ॥ खणपरिणइधम्मत्तं चिंतेसु भवंमि सबवत्थूणं । नियसुकयदुकयसचिवतणं च लक्खेसु परजम्मे ॥ ११ ॥ इय जयमाणस्स सया सुद्धी तुझं भविस्सइ अवस्सं । जलणपवेसं सलमा कुणंति कुसला उ न कयाति ॥१२॥ 51 एवं संठविऊण मरणदुरज्झवसायाओ घोरसिवं जाव विरओ नरिंदो ताव पहयपडहमुरवपमुहतूरनिनामवाहि-18
