________________
-
श्रीगुणचंद
विद्याधर
महावीरच
--
४ प्रस्ताव
॥८
॥
-
लरकारक
असिखेडयहत्थेहिं तस्संग छाइयं वरभडेहिं । ओगासगलभमाणो रुद्धो खयरो तओ भणइ ॥२॥ हे भो नरिंद! मुंचसु एवं खयराहमं मम वहट्ठा । एसो खु मज्झ बहरी विणासियवो मएऽवस्सं ॥३॥ भणिओ य मए खयरो किं पलवसि तं पिसायगहिओघ । किं एस खत्तधम्मो ? जेणेवमहं करेमित्ति ॥४॥ किं चावरदमिमिणा जेणेयं मारिउं समीहेसि । सो भणइ एस मम दारभोगरसिओत्ति ता हणिमो ॥ ५ ॥ ताहे' भए स भणिओ साहू इयरो व होउ नऽप्पेमि । सरणागयरक्खणलक्खणं च राईण खत्तवयं ॥६॥ उबद्धभिउडिभंगो रोसारुणनयणजुयलदुष्पेच्छो । फरुसक्खरेहिं खयरो ताहे मं भणिउमाढत्तो ॥ ७ ॥ रेरे दुद्वनराहिव! मा बोहसु केसरिं सुहपयुत्तं । दिट्ठीविसाहितुडं कंड्यसु मा करग्गेण ॥ ८ ॥ जालालिभीममग्गि अवक्कमसु य मा तुमं पयंगोछ । जइ वंछसि चिरकालं रजं काउं महियलंमि ॥ ९॥ भणिओ य मए एसो किं रे वाहरसि मुक्मजाय ! । सप्पुरिसमग्गलग्गरस मज्झ जं होइ तं होउ ॥ १० ॥ चिरकालजीविएणवि पेरतेऽवस्समेव मरियवं । ता अवसर दिद्विपहाओ कुणसु जे तुज्झ पडिहाइ ॥ ११ ॥
जइ एवं ता विहिणो मा दाहिसि दूसणं तुमं राय! । इय भणिऊण सरोसो खयरो सो गयणमुप्पइओ ॥ १२ ॥JPhon | तयणंतरं मए निरूविओ सो भूमितलनिवडिओ विजाहरो जाव अजवि सजीवो ताहे काराविया । चंदणरसच्छडापहाणा सिसिरोवयारा संवाहियाई सरीरसंवाहणनिउणेहिं पुरिसेहिं सर्वगाई, खणंतरेण लद्धा तेण
-
